ന്യൂഡല്ഹി: ഡോളറിനെതിരെ രൂപയുടെ (indian rupee) മൂല്യം ഇടിയുന്നത് തുടരുന്നു. ഇന്ന് വ്യാപാരത്തിന്റെ തുടക്കത്തില് 19 പൈസയുടെ നഷ്ടത്തോടെ 85.80ലേക്കാണ് രൂപയുടെ മൂല്യം ഇടിഞ്ഞത്. വിദേശനിക്ഷേപത്തിന്റെ പുറത്തേയ്ക്കുള്ള ഒഴുക്ക്, ഡോളര് ശക്തിയാര്ജിക്കുന്നത്, എണ്ണവില ഉയരുന്നത് അടക്കമുള്ള ഘടകങ്ങളാണ് രൂപയൂടെ മൂല്യത്തില് പ്രതിഫലിക്കുന്നത്.
ജൂലൈ മൂന്നു മുതൽ ആറുവരെ പകുതി വിലക്ക് സാധനങ്ങൾ വാങ്ങാം; തിരുവനന്തപുരത്തും കൊട്ടിയത്തും വമ്പൻ വിലക്കുറവുമായി ലുലു
കഴിഞ്ഞദിവസവും നഷ്ടത്തിലാണ് രൂപ ക്ലോസ് ചെയ്തത്. അതിനിടെ കഴിഞ്ഞ മൂന്ന് ദിവസം നഷ്ടം നേരിട്ട ഓഹരി വിപണി ഇന്ന് തിരിച്ചുകയറി. സെന്സെക്സ് 230 പോയിന്റ് ആണ് മുന്നേറിയത്. 81000 എന്ന സൈക്കോളജിക്കല് ലെവലിന് അരികിലാണ് സെന്സെക്സ്.
പ്രധാനമായി ഭാരതി എയര്ടെല്, ഇന്ഡസ്ഇന്ഡ് ബാങ്ക്, മാരുതി, ടാറ്റ മോട്ടോഴ്സ്, ബജാജ് ഫിനാന്സ് ഓഹരികളാണ് നേട്ടം ഉണ്ടാക്കുന്നത്. ടിസിഎസ്, അള്ട്രാടെക് സിമന്റ്, ടൈറ്റന്, ഐസിഐസിഐ ബാങ്ക് ഓഹരികള് നഷ്ടത്തിലാണ്. ഏഷ്യന് വിപണി ഉയര്ന്നു നില്ക്കുന്നതും ഇന്ത്യന് ഓഹരി വിപണിയുടെ മുന്നേറ്റത്തിന് ഒരു കാരണമാണ്. ഇന്നലെ അമേരിക്കന് വിപണി നേട്ടത്തോടെയാണ് വ്യാപാരം അവസാനിച്ചത്. ഇതാണ് ഏഷ്യന് വിപണിയില് പ്രതിഫലിച്ചത്.
ഒന്നാം സ്ഥാനം നിലനിർത്തി അംബാനി ; ഫോർബ്സ് സമ്പന്ന പട്ടിക പുറത്ത്
വായനക്കാരുടെ അഭിപ്രായങ്ങള് അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.