സംസ്ഥാനത്തെ പുതിയ മദ്യനയം ഇന്ന് ചേർന്ന മന്ത്രിസഭാ യോഗം അംഗീകരിച്ചു. ടൂറിസ്റ്റ് കാര്യങ്ങൾക്കായി ഒന്നാം തീയതിയും ത്രീ സ്റ്റാറിന് മുകളിലുള്ള ഹോട്ടലുകളിൽ മദ്യം നൽകാം എന്നതടക്കമുള്ള പുതുക്കിയ മദ്യനയത്തിനാണ് ഇടത് മന്ത്രിസഭ അംഗീകാരം നൽകിയത്. ബാർ ലൈസൻസ് ഫീസ് ഉയർത്തിയിട്ടില്ല. ബാറിൻ്റെ പ്രവർത്തന സമയത്തിലും മാറ്റമില്ല.
എ.ഡി.എം നവീൻ ബാബുവിൻ്റെ മരണം; തുടരന്വേഷണം വേണമെന്ന ആവശ്യവുമായി ഭാര്യ കോടതിയിൽ
ഡ്രൈ ഡേയിൽ ഹോട്ടലുകൾക്കും ഇളവ് നൽകിയിട്ടുണ്ട്. ത്രീസ്റ്റാർ വരെയുള്ള ഹോട്ടലുകളിൽ ഒന്നാം തീയതി മദ്യം വിളമ്പാം. ടൂറിസം കോൺഫറൻസുകളോ ഇവൻറുകളോ ബുക്ക് ചെയ്തിട്ടുണ്ടെങ്കിൽ എക്സൈസ് കമ്മിഷണർക്ക് അപേക്ഷ നൽകണം. പ്രത്യേക ഫീസ് ഈടാക്കി ഹോട്ടലുകളെ ഡ്രൈഡിൽ മദ്യം വിളമ്പാൻ അനുവദിക്കും. അരലക്ഷം രൂപയാണ് ഫീസ്.
വിനോദസഞ്ചാര മേഖലയിലെ പ്രത്യേക യാനങ്ങളിലും മദ്യം വിളമ്പാൻ അനുമതി നൽകും. ക്ലാസ്സിഫിക്കേഷൻ അടിസ്ഥാനത്തിൽ ആയിരിക്കും അനുമതി. ക്രൂയിസ് ബോട്ടുകൾ ഉൾപ്പെടെയുള്ള യാനങ്ങൾക്ക് അനുമതി ലഭിക്കുക. ഹൗസ് ബോട്ടുകൾ ഈ വിഭാഗത്തിൽ ഉൾപ്പെടില്ല. ത്രീസ്റ്റാർ വരെയുള്ള ഹോട്ടലുകളിൽ കള്ളും വിളമ്പാൻ അനുമതി നൽകും.
വീണ വിജയനുൾപ്പെട്ട മാസപ്പടിക്കേസ് ; വാദം കേൾക്കൽ വീണ്ടും നീട്ടി
ഹോട്ടലുകൾ ഉൾപ്പെടുന്ന റേഞ്ചിലെ കള്ള് ഷാപ്പുകളിൽ നിന്ന് കള്ളു വാങ്ങി വിതരണം ചെയ്യാനാണ് അനുമതി നൽകുക. കള്ള് ഷാപ്പുകളോട് അനുബന്ധിച്ചുള്ള ഭക്ഷണശാലയിലും കള്ള് വിളമ്പാൻ അനുമതി നൽകും.
കുപ്പിയിലാക്കിയ കള്ളും മൂല്യവർദ്ധിത ഉൽപന്നങ്ങളും കയറ്റുമതി ചെയ്യാനും തീരുമാനിച്ചിട്ടുണ്ട്. ലേലത്തിൽ വിറ്റുപോകാത്ത കള്ള് ഷാപ്പുകൾ തൊഴിലാളികളുടെ സംഘത്തിന് ഏറ്റെടുത്ത് നടത്താനും അനുമതി നൽകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.