സുപ്രധാന റഷ്യൻ വ്യോമതാവളം തകർത്തതായി യു​ക്രെ​യ്ൻ; പ്രതികരിക്കാതെ മോസ്കോ

റ​ഷ്യ​യി​ലെ സുപ്ര​ധാ​ന വ്യോ​മ​താ​വ​ളം ത​ക​ർ​ത്ത​താ​യി യു​ക്രെ​യ്ൻ. റഷ്യയിലെ വൊറോനെഷ് മേഖലയിലെ ബോറിസോഗ്ലെബ്സ്ക് വ്യോമതാവളം  സൈന്യം ആക്രമിച്ചതായിട്ടാണ് അവകാശവാദം. എ​സ്​യു -34, എ​സ്​യു 35 എ​സ്, എ​സ്യു 30 എ​സ്എം എ​ന്നീ യു​ദ്ധ​വി​മാ​ന​ങ്ങ​ളു​ടെ ഹോംബേസ് എന്നാണ് ഈ താവളം അറിയപ്പെടുന്നത്.

Also Read അയർലണ്ടിൽ ഇന്ത്യൻ വംശജയായ ആറു വയസുകാരിക്ക് നേരെ വംശീയ അക്രമം

റ​ഷ്യ ഇ​തി​നോ​ട് പ്ര​തി​ക​രി​ച്ചി​ട്ടി​ല്ല. ക​ഴി​ഞ്ഞ ദി​വ​സം നൂ​റു​ക​ണ​ക്കി​ന് ഡ്രോ​ണു​ക​ൾ ഉ​പ​യോ​ഗി​ച്ച് യു​ക്രെ​യ്നി​ൽ വ്യാ​പ​ക ആക്രമണം നടത്തിയത് നുള്ള മ​റു​പ​ടിയാ​ണി​തെ​ന്ന് സൈ​നി​ക മേ​ധാ​വി പ​റ​ഞ്ഞു. യു​ക്രെ​യ്ൻ അ​ധി​നി​വേ​ശം ആ​രം​ഭി​ച്ച ​ശേ​ഷ​മു​ള്ള ഏ​റ്റ​വും ശ​ക്ത​മാ​യ വ്യോ​മാ​ക്ര​മ​ണ​മാ​യി​രു​ന്നു വെ​ള്ളി​യാ​ഴ്ച റ​ഷ്യ ന​ട​ത്തി​യ​ത്. രാത്രിയിൽ റഷ്യ 322 ഡ്രോണുകളും ഡെക്കോയികളും ഉക്രെയ്നിലേക്ക് വിക്ഷേപിച്ചതായി യുക്രെയ്ൻ വ്യോമസേന അറിയിച്ചു. ഇതിൽ 157 എണ്ണം വെടിവച്ചിടുകയും 135 എ​ണ്ണം ഇ​ല​ക്ട്രോ​ണി​ക് ജാ​മി​ങ് കാ​ര​ണം ല​ക്ഷ്യം ക​ണ്ടി​ല്ലെ​ന്നും യു​ക്രെ​യ്ൻ സേ​ന അ​വ​കാ​ശ​പ്പെ​ട്ടു.,

ഇ​രു​രാ​ജ്യ​ങ്ങ​ളും ത​മ്മി​ൽ തു​ർ​ക്കി​യ​യി​ലെ ഇ​സ്തം​ബൂ​ളി​ൽ സ​മാ​ധാ​ന ച​ർ​ച്ച തു​ട​ങ്ങാ​നി​രി​ക്കെ​യാ​ണ് ആ​ക്ര​മ​ണ-​പ്ര​ത്യാ​ക്ര​മ​ണ​ങ്ങ​ൾ രൂ​ക്ഷ​മാ​യ​ത്. അ​മേ​രി​ക്ക മു​ൻ​കൈ​യെ​ടു​ത്ത് തു​ട​ങ്ങി​യ വെ​ടി​നി​ർ​ത്ത​ൽ ശ്ര​മ​ങ്ങ​ളും എ​ങ്ങു​മെ​ത്തി​യി​ട്ടി​ല്ല.

You May Also Like മൂന്ന് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി; കേരളത്തിൽ മഴ ശക്തമാകുമെന്നും മുന്നറിയിപ്പ്

ക​ഴി​ഞ്ഞ മാ​സം റ​ഷ്യ​യി​ലെ വ്യോ​മ​താ​വ​ള​ത്തി​ൽ ആ​ക്ര​മ​ണം ന​ട​ത്തി 40ലേ​റെ യു​ദ്ധ​വി​മാ​ന​ങ്ങ​ൾ യു​ക്രെ​യ്ൻ ന​ശി​പ്പി​ച്ചി​രു​ന്നു. ട്ര​ക്കു​ക​ളി​ൽ ഡ്രോ​ണു​ക​ൾ റ​ഷ്യയിലേക്ക് രഹസ്യമായി കടത്തിയാണ് ആക്രമണം ആസൂത്രണം ചെയ്തത്.