കൊച്ചിയിലെ വസ്ത്രവ്യാപാര സ്ഥാപനങ്ങളിൽ ആദായ നികുതി വകുപ്പിന്റെ റെയ്ഡ്

ഫോർട്ട് കൊച്ചിയിലും മട്ടാഞ്ചേരിയിലുമായി പ്രവർത്തിക്കുന്ന വസ്ത്ര വ്യാപാര സ്ഥാപനങ്ങളിൽ വ്യാപക പരിശോധന നടത്തി ആദായ നികുതി വകുപ്പ്. കാശ്മീരി സ്വദേശിയായ വ്യാപാരിയുടെ ഉടമസ്ഥതയിലുള്ള മട്ടാഞ്ചേരി ജ്യൂ-ടൗണിലെ മൂന്ന് കടകളിലും ഫോർട്ട് കൊച്ചി പ്രിൻസസ് സ്ട്രീറ്റിലെ കടയിലുമാണ് ഉദ്യോഗസ്ഥർ റെയ്ഡ് നടത്തിയത്.

Also Read ഐഫോൺ പ്രേമികൾക്ക് സന്തോഷവാർത്ത ; 36 ശതമാനം വിലക്കിഴിവിൽ ഐഫോൺ 16 സീരീസ് സ്വന്തമാക്കാൻ അവസരം

കഴിഞ്ഞ ഇരുപത് വർഷത്തിലേറെയായി ഈ സ്ഥാപനങ്ങൾ കൃത്യമായി നികുതി അടയ്ക്കുകയോ ആദായനികുതി റിട്ടേണുകൾ സമർപ്പിക്കുകയോ ചെയ്യുന്നില്ലെന്ന രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന.

ഇന്ന് പകൽ മുഴുവൻ നീണ്ടുനിന്ന വിശദമായ പരിശോധനകൾക്ക് ശേഷം ആദായനികുതി വകുപ്പ് ഉദ്യോഗസ്ഥർ കടകൾ സീൽ ചെയ്തു എന്നാണ് റിപ്പോർട്ട്‌. പരിശോധന നടത്തിയതിനെ കുറിച്ചോ, കണ്ടെടുത്ത രേഖകളെക്കുറിച്ചോ കൂടുതൽ വിവരങ്ങൾ ഉദ്യോഗസ്ഥർ വെളിപ്പെടുത്തിയിട്ടില്ല..

You May Also Like കുതിച്ചുയർന്ന് സ്വർണവില; പവന് ഒറ്റടിക്ക് വർധിച്ചത് 480 രൂപ