നിലമ്പൂര് ഉപതെരഞ്ഞെടുപ്പില് അഖില ഭാരത ഹിന്ദുമഹാസഭ എല്ഡിഎഫ് സ്ഥാനാര്ത്ഥി എം സ്വരാജിന് പിന്തുണ പ്രഖ്യാപിച്ചു. നിലമ്പൂരില് നടത്തിയ വാര്ത്താസമ്മേളനത്തില് അഖില ഭാരത ഹിന്ദുമഹാസഭ സംസ്ഥാന പ്രസിഡന്റ് സ്വാമി ദത്താത്രേയ സായി സ്വരൂപനാഥ് ആണ് എല്.ഡി.എഫിനെ പിന്തുണക്കുന്ന കാര്യം അറിയിച്ചത്.
ഒന്പതാം ക്ലാസുകാരന് തുങ്ങിമരിച്ച സംഭവം; അധ്യാപികയുടെ മാനസീകപീഡനമെന്ന് ആരോപണം
നിലമ്പൂരിലെ എല്.ഡി.എഫിന്റെ വിജയം കാലഘട്ടത്തിന്റെ ആവശ്യമാണെന്നും സ്വാമി ദത്താത്രേയ സായി സ്വരൂപനാഥ് നിലമ്പൂരില് പറഞ്ഞു. കേരളത്തില് പിണറായി സര്ക്കാര് വികസനത്തിന്റെ തേരോട്ടം നടത്തുകയാണെന്നും അദ്ദേഹം കൂട്ടിച്ചേര്ത്തു. ഹിന്ദുമഹാസഭ മലപ്പുറം ജില്ലാ പ്രസിഡന്റ് പ്രകാശും വാര്ത്താ സമ്മേളനത്തില് സംബന്ധിച്ചു.
നിലമ്പൂര് ഉപതെരഞ്ഞെടുപ്പില് എല്.ഡി.എഫിന്റെ സ്വരാജിന് കഴിഞ്ഞദിവസം പി.ഡി.പി പിന്തുണ പ്രഖ്യാപിച്ചിരുന്നു. രാജ്യത്ത് വന് വിപത്തായി മാറിക്കൊണ്ടിരിക്കുന്ന ഫാഷിസത്തിന് തടയിടാന് എല്.ഡി.എഫിന് മാത്രമേ കഴിയൂവെന്ന് പിന്തുണ അറിയിച്ചുകൊണ്ട് പി.ഡി.പി വൈസ് ചെയര്മാന് അഡ്വ. മുട്ടം നാസര് വ്യക്തമാക്കിയിരുന്നു.
അർത്തുങ്കൽ തീരത്ത് വിദേശിയുടെ മൃതദേഹം; വാൻഹായി കപ്പലിൽ നിന്ന് കാണാതായ ആളുടേതെന്ന് സംശയം
ജമാത്തെ ഇസ്ലാമിയുടെ രാഷ്ട്രീയ സംഘടനയായ വെല്ഫെയര് പാര്ട്ടി നിലമ്പൂര് ഉപതെരഞ്ഞെടുപ്പില് യു.ഡി.എഫിന് പിന്തുണ അറിയിച്ചിരുന്നു. ജമാ അത്തെ ഇസ്ലാമി യു.ഡി.എഫിനെ പിന്തുണയ്ക്കുന്നതിനെ സി.പി.എമ്മും എല്.ഡി.എഫും രൂക്ഷമായി വിമര്ശിച്ചു. ജമാ അത്തെ ഇസ്ലാമി ലോകത്തെമ്പാടുമുള്ള വര്ഗീയശക്തിയാണ്. ഇസ്ലാമിക രാഷ്ട്രം വേണമെന്ന് വാദിക്കുന്നവരാണ് അവര്. എന്നാല് പി.ഡി.പി പീഡിത വിഭാഗമാണെന്നും സിപിഎം സംസ്ഥാന സെക്രട്ടറി എം വി ഗോവിന്ദന് അഭിപ്രായപ്പെട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.