നേപ്പാളിൽ സംഘർഷം തുടരുന്നതിനിടെ ഇന്ത്യൻ തീർത്ഥാടകരുടെ ബസ് കാഠ്മണ്ഡുവിൽ തകർക്കുകയും കൊള്ളയടിക്കുകയും ചെയ്ത് അക്രമികൾ. വ്യാഴാഴ്ചയാണ് സംഭവം. അക്രമത്തിൽ നിരവധി പേർക്ക് പരിക്കേറ്റുവെന്നാണ് വിവരം. കാഠ്മണ്ഡുവിലെ പശുപതിനാഥ ക്ഷേത്ര ദർശനം കഴിഞ്ഞ് മടങ്ങുകയായിരുന്ന തീർത്ഥാടകർ സഞ്ചരിച്ചിരുന്ന യുപി രജിസ്ട്രേഷൻ നമ്പർ ബസാണ് ആക്രമണത്തിന് ഇരയായതെന്ന് പൊലീസ് പറഞ്ഞു.
ബോംബ് ഭീഷണി ; നിരീശ്വര വാദികളുടെ സമ്മേളനം നിർത്തിവെച്ചു
അക്രമികൾ ബസിന് നേരെ കല്ലെറിയുകയും, യാത്രക്കാരുടെ ബാഗുകളും പണവും മൊബൈൽ ഫോണുകളും മോഷ്ടിക്കുകയും ചെയ്തു. അക്രമത്തിൽ ഏഴോ, എട്ടോ പേർക്ക് പരിക്കേറ്റിട്ടുണ്ട്. നേപ്പാളിലെ സൈനികരാണ് തങ്ങളെ അക്രമികളിൽ നിന്ന് രക്ഷപ്പെടുത്തിയതെന്ന് യാത്രക്കാർ പറയുന്നു. പിന്നീട് ഇന്ത്യൻ സർക്കാർ കാഠ്മണ്ഡുവിൽ നിന്ന് ഡൽഹിയിലേക്ക് യാത്രക്കാരെ എയർലിഫ്റ്റ് ചെയ്യാനുള്ള ഏർപ്പാട് ചെയ്തു. വ്യാഴാഴ്ച വൈകുന്നേരം അപകടത്തിൽ പെട്ട ബസ് യുപിയിലെ മഹാരാജ്ഗഞ്ചിനടുത്തുള്ള സോണൗലി അതിർത്തിയിൽ എത്തി
ഇന്ത്യയിലേക്ക് മടങ്ങുന്നതിനിടെയാണ് ജനക്കൂട്ടം ആക്രമിച്ചതെന്ന് ആന്ധ്രയിൽ നിന്നുള്ള ബസ് ഡ്രൈവർ രാജ് പറഞ്ഞു. ആക്രമണകാരികൾ എല്ലാ ഗ്ലാസുകളും കല്ലുകൊണ്ട് തകർത്തു, ഞങ്ങളുടെ സാധനങ്ങൾ കൊള്ളയടിച്ചുവെന്നും അദ്ദേഹം പറയുന്നു. മൂന്ന് സംസ്ഥാനങ്ങളിലെയും അതിർത്തി ജില്ലകളിൽ അതിർത്തി കടന്നുള്ള ഏതെങ്കിലും അനിഷ്ട സംഭവങ്ങളോ നിയമവിരുദ്ധ നീക്കങ്ങളോ തടയാൻ അതീവ ജാഗ്രതയിലാണ് അധികൃതർ. അതിർത്തിയുടെ ഇരുവശത്തുമുള്ള അധികാരികൾ പൗരത്വ കാർഡുകൾ പരിശോധിച്ചതിന് ശേഷം മാത്രമേ ഇന്ത്യയിൽ കുടുങ്ങിക്കിടക്കുന്ന നേപ്പാളി പൗരന്മാരെ അതിർത്തി കടക്കാൻ അനുവദിക്കൂ.
കുവൈറ്റിലെ വ്യാജമദ്യ ദുരന്തത്തിൽ മരിച്ചവരുടെ എണ്ണം 23 ആയി : രാജ്യത്ത് പലയിടത്തും റെയ്‌ഡ്‌
നേപ്പാളിൽ കുടുങ്ങിക്കിടക്കുന്ന ഇന്ത്യൻ വിനോദസഞ്ചാരികളും തീർത്ഥാടകരും തൊഴിലാളികളും ബാച്ചുകളായി തിരിച്ചെത്താൻ തുടങ്ങി. നേപ്പാളിലെ എംബസി നേപ്പാൾ അധികൃതരുമായി ഏകോപിപ്പിച്ച് അവരുടെ ഗതാഗതത്തിന് സൗകര്യമൊരുക്കിയിട്ടുണ്ട്. ഡാർജിലിംഗിലെ പാനിറ്റാങ്കി അതിർത്തിയിൽ നിന്ന് 19 പെട്രോളിയം ടാങ്കറുകൾ ഉൾപ്പെടെ ഇന്ത്യയിൽ നിന്നുള്ള മുപ്പത്തിയാറ് ട്രക്കുകൾ നേപ്പാളിലേക്ക് തിരിച്ചു. പാനിറ്റാങ്കി അതിർത്തി കടക്കാൻ മൂന്ന് ആംബുലൻസുകൾക്ക് അനുമതി നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.