പ്രധാനമന്ത്രി നരേന്ദ്ര മോദിയുടെ കേരള സന്ദര്ശനത്തോടനുബന്ധിച്ച് പൊതുസ്ഥലങ്ങളിൽ അനുമതിയില്ലാതെ ഫ്ലക്സ് ബോര്ഡുകളും കൊടികളും ബാനറുകളും സ്ഥാപിച്ചതിന് ബിജെപി സിറ്റി ജില്ലാ കമ്മിറ്റിക്ക് പിഴ. അനധികൃതമായി സ്ഥാപിച്ച ബോര്ഡുകളും മറ്റും നീക്കണമെന്ന് ആവിശ്യപ്പെട്ടിട്ടും അവ പാലിക്കാത്തതിനാലാണ് സിറ്റി ജില്ലാ പ്രസിഡന്റിന് ബിജെപി തന്നെ ഭരിക്കുന്ന കോര്പറേഷന് 20 ലക്ഷം രൂപയുടെ പിഴ നോട്ടിസ് നല്കിയത്.
തിരഞ്ഞെടുപ്പിലേത് പ്രതീക്ഷിക്കാത്ത തിരിച്ചടി ; ബിനോയ് വിശ്വം
ബുധന്, വ്യാഴം ദിവസങ്ങളിലാണ് പ്രധാന മന്ത്രിയുടെയും, ബിജെപി നേതാക്കളുടെയും ചിത്രങ്ങള് അടങ്ങിയ ബോര്ഡുകളും ബാനറുകളും നഗരത്തിൽ പലയിടത്തും സ്ഥാപിക്കപ്പെട്ടത്. നടപ്പാതകളിലും ഡിവൈഡറുകളിലും ഉൾപ്പെടെ ബോര്ഡുകള് സ്ഥാപിച്ചതിനെതിരെ വ്യാപക പരാതിയുയര്ന്നു. തുടര്ന്ന് ഇവ 2 മണിക്കൂറിനുള്ളില് നീക്കണമെന്നാവശ്യപ്പെട്ട് വ്യാഴാഴ്ച വൈകിട്ട് ബിജെപി സിറ്റി ജില്ലാ പ്രസിഡന്റിന് കോര്പറേഷന് കത്ത് നല്കിയിരുന്നു.
എന്നാല് നടപ്പാതയ്ക്കു കുറുകെ സ്ഥാപിച്ച ബോര്ഡുകള് മാറ്റിയതൊഴിച്ചാല് കാര്യമായ ഇടപെടല് പാര്ട്ടിയുടെ ഭാഗത്തു നിന്നുണ്ടായില്ല. ഇതിനെ തുടര്ന്ന്, വിമാനത്താവളം മുതല് പുത്തരിക്കണ്ടം വരെയുള്ള റോഡില് സ്ഥാപിച്ച ബോര്ഡുകളുടെയും മറ്റും കണക്കെടുത്തതിന് ശേഷമാണ് കോര്പറേഷന് സെക്രട്ടറി പിഴ നോട്ടിസ് നല്കിയത്.
ശബരിമലയിലെ അരവണ വിതരണത്തിലെ നിയന്ത്രണം തുടരും
ആദ്യ നോട്ടിസിന് മറുപടി നല്കിയില്ലെങ്കില് നിശ്ചിത ദിവസങ്ങള്ക്കകം രണ്ടാമത് നോട്ടിസ് നല്കുകയാണ് അടുത്ത നടപടിക്രമം. ഇതിനും മറുപടി കിട്ടിയില്ലെങ്കില് രണ്ടു തവണ ഹിയറിങ് നടത്തണം. ഈ ഹിയറിങ്ങിലും പങ്കെടുത്തില്ലെങ്കില് ജപ്തി നടപടികളിലേക്കു കടക്കുമെന്ന് റവന്യു വിഭാഗം ഉദ്യോഗസ്ഥര് വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.