തീപിടിച്ച കപ്പലിലുള്ള രാസവസ്തുക്കൾ അത്യന്തം അപകടം; ഞെട്ടിക്കുന്ന റിപ്പോർട്ട് പുറത്ത്

ബേപ്പൂർ തീരത്തിന് സമീപം  തീ​പി​ടി​ച്ച ചരക്ക് ​കപ്പ​ലി​ലെ 140 ക​ണ്ടെ​യ്ന​റു​ക​ളി​ൽ അ​പ​ക​ട​ക​ര​മാ​യ ച​ര​ക്കു​ക​ളു​ള്ള​താ​യി റി​പ്പോ​ർ​ട്ട്. അ​ന്താ​രാ​ഷ്ട്ര മാ​രി​ടൈം ഓ​ർ​ഗ​നൈ​സേ​ഷ​ൻ (ഐഎം.ഒ) ക്ലാ​സി​ഫി​ക്കേ​ഷ​ൻ അ​നു​സ​രി​ച്ച് 20 ക​ണ്ടെ​യ്‌​ന​റു​ക​ളി​ൽ തീ​പി​ടി​ക്കു​ന്ന വ​സ്തു​ക്ക​ൾ, സ്വ​യ​മേ​വ ക​ത്തു​ന്ന​വ, കീ​ട​നാ​ശി​നി​ക​ൾ ഉ​ൾ​പ്പെ​ടെ​യു​ള്ള വി​ഷ രാ​സ​വ​സ്തു​ക്ക​ളും അ​ട​ങ്ങി​യി​ട്ടു​ണ്ട്.

Also Read ഇരിട്ടിയിൽ ടൂറിസ്റ്റ് ബസ്സിന്‌ തീപിടിച്ചു

ഇ​തി​ൽ ക​ള നി​യ​ന്ത്ര​ണ​ത്തി​നും കീ​ട നി​യ​ന്ത്ര​ണ​ത്തി​നും ഉ​പ​യോ​ഗി​ക്കു​ന്ന 800 ഡ്ര​മ്മു​ക​ളും മ​റ്റൊ​രു ക​ണ്ടെ​യ്‌​ന​റി​ൽ 27,786 കി.​ഗ്രാം തൂ​ക്ക​മു​ള്ള എ​ഥൈ​ൽ ക്ലോ​റോ​ഫോ​ർ​മൈ​റ്റ് അ​ട​ക്ക​മു​ള്ള വി​ഷാം​ശ രാ​സ​വ​സ്തു​ക്ക​ളും ഉ​​ൾ​പ്പെ​ടു​ന്നു. ഇ​ത് ക​ട​ലി​ൽ പ​ര​ക്കു​ന്ന​തോ​ടെ ഉ​ണ്ടാ​കാ​നി​ട​യു​ള്ള മ​ലി​നീ​ക​ര​ണം സം​ബ​ന്ധി​ച്ചും ആ​ശ​ങ്ക ഉ​യ​ർ​ന്നി​ട്ടു​ണ്ട്.

ക​പ്പ​ലി​ൽ 20 ക​ണ്ടെ​യ്‌​ന​റു​ക​ളി​ലാ​യി ക​ത്തു​ന്ന ഖ​ര​വ​സ്തു​ക്ക​ളു​ണ്ട്. ഇ​തി​ൽ ര​ണ്ട് ക​ണ്ടെ​യ്‌​ന​റു​ക​ളി​ൽ ആ​ൽ​ക്ക​ഹോ​ൾ അ​ട​ങ്ങി​യ നൈ​ട്രോ​സെ​ല്ലു​ലോ​സ്, 12 ക​ണ്ടെ​യ്‌​ന​റു​ക​ളി​ൽ നാ​ഫ്ത​ലീ​ൻ, ഒ​രു ക​ണ്ടെ​യ്‌​ന​റി​ൽ ക​ത്തു​ന്ന ദ്രാ​വ​കം അ​ട​ങ്ങി​യ ഖ​ര​വ​സ്തു​ക്ക​ൾ, നാ​ല് ക​ണ്ടെ​യ്‌​ന​റു​ക​ളി​ൽ പാ​ര​ഫോ​ർ​മാ​ൽ​ഡി​ഹൈ​ഡ് എ​ന്നി​വ ഉ​ൾ​പ്പെ​ടു​ന്നു. സ്വ​യ​മേ​വ ക​ത്തു​ന്ന ഓ​ർ​ഗാ​നോ​മെ​റ്റാ​ലി​ക് പ​ദാ​ർ​ത്ഥ​വു​മു​ണ്ട്. വാ​യു​വു​മാ​യി സ​മ്പ​ർ​ക്ക​മു​ണ്ടാ​കു​മ്പോ​ൾ സ്വ​യം ക​ത്തു​ന്ന​വ​യാ​ണി​ത്.

You May Also Like പണമിടപാട് ആരോപണത്തിൽ അന്വേഷണം വേണം ; ആന്റോ ആന്റണിക്കെതിരെ വിജിലൻസിൽ പരാതി