മാലിന്യ സംസ്‌കരണം തദ്ദേശ സ്ഥാപനങ്ങൾക്ക് കീറാമുട്ടിയാകുന്ന കാലത്ത് ഒരു നാട് മുന്നിട്ടിറങ്ങി തങ്ങളുടെ ഗ്രാമത്തെ മാലിന്യമുക്തമാക്കിയ കാഴ്ചയാണ് പിണറായി പഞ്ചായത്തിലെ പാനുണ്ട ഗ്രാമത്തിന് പങ്കുവക്കാനുള്ളത്. സന്നദ്ധപ്രവർത്തനത്തിലൂടെ ഗ്രാമത്തിലെ പൊതു ഇടങ്ങളും റോഡും മാലിന്യ മുക്തമാക്കിയ ഈ നാട് ശുചിത്വ പ്രവർത്തനങ്ങളിൽ ഒരു പടികൂടി കടന്ന് എല്ലാ വീടുകളും ഹരിത ഭവനമാക്കി മാറ്റുന്നതിനുള്ള പദ്ധതി നടപ്പാക്കുന്നു. ഇതിനായി ‘ക്ലീൻ ഗ്രീൻ പാനുണ്ട’ കൂട്ടായ്മയുടെ നേതൃത്വത്തിൽ ഓരോ വീടുകളിലും മാലിന്യം നിക്ഷേപിക്കാനുള്ള ബക്കറ്റുകൾ നൽകുന്ന പദ്ധതിക്ക് ആഗസ്റ്റ് 15 തുടക്കം കുറിക്കും.
സൂപ്പര്‍ സ്‌പെഷ്യാലിറ്റി ആശുപത്രിയാകാനൊരുങ്ങി പിണറായി സാമൂഹ്യാരോഗ്യ കേന്ദ്രം
പ്ലാസ്റ്റിക്, ലതർ, കുപ്പി എന്നീ വസ്തുകൾ വേർതിരിച്ച് നിക്ഷേപിക്കുന്നതിനായി മൂന്നുവീതം ബക്കറ്റുകൾ ഓരോ വീട്ടിലും നൽകും. ആദ്യഘട്ടത്തിൽ 100 ഓളം വീടുകൾക്കാണ് ബക്കറ്റുകൾ നൽകുക. ഘട്ടം ഘട്ടമായി പാനുണ്ടയിലെ മുഴുവൻ വീടുകളിലേക്കും പദ്ധതി വ്യാപിപ്പിക്കും. വീട്ടുടമകളിൽ നിന്ന് ചെറിയ തുക ഈടാക്കിയാണ് ബക്കറ്റുകൾ നൽകുന്നത്. തരം തിരിച്ചുള്ള മാലിന്യം ഹരിതകർമ്മ സേന വീടുകളിൽ നിന്ന് ശേഖരിക്കും. പദ്ധതി ആഗസ്റ്റ് 15 ന് രാവിലെ പത്തിന് ബി.യു.പി. സ്‌കൂളിൽ നടക്കുന്ന ചടങ്ങിൽ ജില്ലാ പഞ്ചായത്ത് വൈസ് പ്രസിഡന്റ് അഡ്വ.ബിനോയ് കുര്യൻ ഉദ്ഘാടനം ചെയ്യും.
പ്രതിരോധ വാക്സിൻ എടുത്തിട്ടും ഏഴ് വയസുകാരിക്ക് പേവിഷബാധ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.