വാക്സിന് എടുത്തിട്ടും ഏഴ് വയസുകാരിക്ക് പേവിഷബാധ. കൊല്ലം വിളക്കൊടി കുന്നിക്കോട് സ്വദേശിനിയായ കുട്ടിക്ക് ഒരുമാസം മുന്പാണ് നായയുടെ കടിയേറ്റത്. തിരുവനന്തപുരം എസ്എടി ആശുപത്രിയില് ചികിത്സയിലാണ് നിലവിൽ പെണ്കുട്ടി.
വയോധികയുടെ മാല പൊട്ടിച്ച സി.പി.എം നഗരസഭ കൗൺസിലർ അറസ്റ്റിൽ
കഴിഞ്ഞ മാസം 12നാണ് കുട്ടിയെ നായ കടിച്ചത്. കുട്ടിയുടെ കൈമുട്ടിനാണ് കടിയേറ്റത്. ഉടന് തന്നെ ആശുപത്രിയിലെത്തി ഐഡിആര്വി ഡോസ് എടുക്കുകയും ചെയ്തു. അന്നുതന്നെ ആന്റി റാബിസ് സിറവും കുട്ടിക്ക് നല്കിയിരുന്നു. പിന്നീട് മൂന്നുതവണ കൂടി ഐഡിആര്ബി നല്കി.
മെയ് ആറിന് അവസാന വാക്സിന് എടുക്കാനിരിക്കെയാണ് കുട്ടിക്ക് പനി ബാധിച്ചത്. തുടര്ന്ന് നടത്തിയ പരിശോധനയിലാണ് പേവിഷബാധയാണ് ഏറ്റതെന്ന് തിരിച്ചറിഞ്ഞത്. കുട്ടിയെ കടിച്ച നായ മറ്റാരെയെങ്കിലും കടിച്ചിട്ടുണ്ടോ, അത് കുട്ടിയെ കടിച്ചശേഷം എങ്ങോട്ട് പോയി തുടങ്ങിയ കാര്യങ്ങളില് വ്യക്തതയില്ല.
നവരാത്രി പ്രമാണിച്ച് സംസ്ഥാനത്ത് 30ന് പൊതുഅവധി
മലപ്പുറത്ത് പേവിഷ ബാധയേറ്റ് ചികിത്സയിലായിരുന്ന അഞ്ചുവയസുകാരി മരണപ്പെട്ടത് അടുത്തിടെ ഞെട്ടിച്ചിരുന്നു. കോഴിക്കോട് മെഡിക്കല് കോളേജില് ചികിത്സയിലിരിക്കെയാണ് സന ഫാരിസ് എന്ന കുട്ടിയുടെ ജീവൻ നഷ്ടമായത്. പ്രതിരോധ വാക്സിന് എടുത്തിട്ടും കുഞ്ഞിന് പേവിഷ ബാധ സ്ഥിരീകരിക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.