മഞ്ചേശ്വരം തലപ്പാടിയില്‍ നിയന്ത്രണം വിട്ട ബസ് ഇടിച്ചു കയറിയ അപകടത്തില്‍ മരണം ആറായി. സംസ്ഥാന അതിര്‍ത്തിയിലെ ടോള്‍ ബൂത്തിന് സമീപത്താണ് കര്‍ണാടക ആര്‍ടിസി ബസ് ഓട്ടോറിക്ഷയിലേക്കും ബസ് കാത്തുനിന്നവരിലേക്കും ഇടിച്ചു കയറിയത്. ഓട്ടോയിലുണ്ടായിരുന്ന ആറു പേരാണ് മരിച്ചത്.
നിലമ്പൂരില്‍ കോണ്‍ഗ്രസിെ കുഴപ്പിച്ച് അന്‍വര്‍; സ്ഥാനാര്‍ഥിയായി ജോയി മതിയെന്ന് നിലപാട്; പ്രചാരണത്തിനിറങ്ങി ആര്യാടന്‍ ഷൗക്കത്ത്
കര്‍ണാടക സ്പീക്കര്‍ യുടി ഖാദര്‍ അപകടമുണ്ടായ തലപ്പാടി സന്ദര്‍ശിക്കും. അപകടം ഉണ്ടാക്കിയ കര്‍ണാടക ആര്‍ടിസി ബസ്സിനെതിരെ രൂക്ഷവിമര്‍ശനവുമായി എംഎല്‍എ എന്‍എ നെല്ലിക്കുന്ന് രംഗത്തെത്തി. ബസ്സിന്റെ ടയര്‍ തേഞ്ഞു തീര്‍ന്ന അവസ്ഥയിലാണെന്നും ഇന്‍ഷൂറന്‍സ് ഇല്ലെന്നും എംഎല്‍എ പറഞ്ഞു.
കര്‍ണാടക സ്വദേശികളായ ഓട്ടോ ഡ്രൈവര്‍ ഹൈദര്‍ അലി, ഓട്ടോയിലുണ്ടായിരുന്ന നഫീസ, ആയിഷ, ഖദീജ, ഹവ്വമ്മക്കുട്ടി, പതിനൊന്നുകാരി ഹസ്‌ന എന്നിവരാണ് മരിച്ചത്. സാരമായി പരുക്കേറ്റ രണ്ട് പേര്‍ മംഗളൂരു ഫാദര്‍ മുള്ളര്‍ ആശുപത്രിയില്‍ ചികിത്സയിലാണ്. ആദ്യം ഓട്ടോയില്‍ ഇടിച്ച ബസ് നിയന്ത്രണം വിട്ട് പിന്നിലേക്ക് വന്ന് നിര്‍ത്തിയിട്ട മറ്റൊരു ഓട്ടോയിലേക്ക് ഇടിച്ചുകയറുകയായിരുന്നു. ബസിലുണ്ടായിരുന്നവര്‍ ഉള്‍പ്പെടെ നിരവധിപ്പേര്‍ക്ക് പരിക്കേറ്റിട്ടുണ്ട്. അമിത വേഗതയാണ് അപകടത്തിന് ഇടയാക്കിയതെന്ന് നാട്ടുകാര്‍ പറഞ്ഞു.
ആഗോള അയ്യപ്പ സംഗമത്തിന് ബദലായി വിശ്വാസ സംഗമം നടത്താൻ ഹിന്ദു ഐക്യവേദി
കാസര്‍കോടു നിന്നും മംഗലാപുരത്തേക്ക് പോകുകയായിരുന്നു ബസ്. സര്‍വീസ് റോഡിലൂടെ പോകേണ്ട ബസ് ദേശീയ പാതയില്‍ കയറി അമിത വേഗതയില്‍ വരികയായിരുന്നുെവന്ന് ദൃക്‌സാക്ഷികള്‍ പറഞ്ഞു. ബസിന്റെ ടയറുകള്‍ തേഞ്ഞു തീര്‍ന്നതും അപകടത്തിന് കാരണമായെന്ന് നാട്ടുകാര്‍ പറഞ്ഞു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.