2020-ൽ മോൻസൺ മാവുങ്കൽ സ്പോൺസർ ചെയ്തതായി പറയപ്പെടുന്ന കുടുംബയോഗവുമായി ബന്ധപ്പെട്ട സാമ്പത്തിക ഇടപാടുകളുടെ വിശദാംശങ്ങൾ ഹാജരാക്കണമെന്ന് ആവശ്യപ്പെട്ട് എറണാകുളം പ്രസ് ക്ലബ്ബിന് നോട്ടീസ് അയച്ച് ഇ.ഡി. പരിപാടിയുടെ ഫണ്ടിന്റെ ഉറവിടത്തെക്കുറിച്ചുള്ള വിവരങ്ങൾ, ബാങ്ക് അക്കൗണ്ട് നമ്പറുകൾ എന്നിവ നൽകാനാണ് ഇ.ഡി ജൂലൈ 11ന് അയച്ച നോട്ടീസിൽ പ്രസ് ക്ലബ്ബിനോട് ആവശ്യപ്പെട്ടിട്ടുള്ളത്.
ബീഹാർ തിരഞ്ഞെടുപ്പ് ; സീറ്റ് വിഭജന ചർച്ചകൾ അന്തിമഘട്ടത്തിൽ, സ്ഥാനാർത്ഥി പ്രഖ്യാപനം ഉടൻ
കള്ളപ്പണം വെളുപ്പിക്കൽ നിരോധന നിയമപ്രകാരം (പിഎംഎൽഎ) മോൺസണും, മറ്റുള്ളവർക്കും എതിരെ ഇ.ഡി നടത്തുന്ന അന്വേഷണത്തിന്റെ ഭാഗമായാണ് നോട്ടീസയച്ചിരിക്കുന്നത്. മോൻസൺ സ്പോൺസർ ചെയ്ത പരിപാടിയുമായി ബന്ധപ്പെട്ട സാമ്പത്തിക ഇടപാടുകൾ പരിശോധിക്കുകയും എന്തെങ്കിലും ക്രമക്കേടുകൾ നടന്നിട്ടുണ്ടോ എന്ന് കണ്ടെത്തുകയുമാണ് അന്വേഷണത്തിന്റെ ലക്ഷ്യം.
പ്രസ് ക്ലബ്ബിന് ഇതുവരെ ലഭിച്ച ഫണ്ടുകളുടെയും അവയുടെ വിനിയോഗത്തിന്റെയും വിവരങ്ങൾ, 2020 ലെ കുടുംബയോഗത്തിന്റെ ആകെ ചെലവ്, ചെലവുകളുടെ ഉറവിടം എന്നിവ സംബന്ധിച്ച വിവരങ്ങൾ എന്നിവയും അടിയന്തരമായി ഹാജരാക്കാനാണ് ഇഡിയുടെ നിർദേശം.
ലോകം അസ്വസ്ഥതയിലുടെ കടന്നുപോകുമ്പോൾ യോഗ സമാധാനത്തിൻ്റെ പാതകാട്ടുന്നു; മനുഷ്യരെ ഒന്നിപ്പിക്കുന്നുവെന്നും പ്രധാനമന്ത്രി
അതേസമയം, നോട്ടീസ് ലഭിച്ചതായി എറണാകുളം പ്രസ് ക്ലബ് സ്ഥിരീകരിച്ചു. ഫിലിപ്പോസ് മാത്യു പ്രസിഡന്റും ശശികാന്ത് സെക്രട്ടറിയുമായിരുന്ന മുൻ കമ്മിറ്റിയുടെ കാലത്താണ് പ്രസ്തുത പരിപാടി നടന്നതെന്ന് എറണാകുളം പ്രസ് ക്ലബ് അംഗം എം ഷജിൽ കുമാർ പറഞ്ഞു. അതിനുശേഷം ഓഫീസ് ജീവനക്കാരിൽ മാറ്റമില്ലെന്നും പ്രസ് ക്ലബ്ബിന്റെ ഔദ്യോഗിക ബാങ്ക് അക്കൗണ്ട് വഴി അത്തരമൊരു ഇടപാട് നടന്നിട്ടില്ലെന്നും അദ്ദേഹം സ്ഥിരീകരിച്ചു. തങ്ങൾക്ക് ഒന്നും മറച്ചുവെക്കാനില്ലെന്നും ബന്ധപ്പെട്ട എല്ലാ രേഖകളും ശേഖരിക്കാൻ ജീവനക്കാരോട് നിർദ്ദേശിച്ചിട്ടുണ്ടെന്നും ക്ലബ്ബിന്റെ എക്സിക്യൂട്ടീവ് കമ്മിറ്റിയുടെ അടിയന്തര യോഗത്തിന് ശേഷം തുടർ നടപടികൾ തീരുമാനിക്കുമെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.