ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റിൽ ഇന്ത്യ ഭേദപ്പെട്ട നിലയിൽ. ആദ്യ ദിവസം കളി നിർത്തുമ്പോൾ ഇന്ത്യ 85 ഓവറിൽ അഞ്ച് വിക്കറ്റിന് 310 റൺസ് റൺസ് നേടി. 114 റൺസുമായി ക്യാപ്റ്റൻ ശുഭ്മാൻ ഗില്ലും 41 റൺസ് എടുത്ത് രവീന്ദ്ര ജഡേജയുമാണ് ക്രീസിൽ. 87 റൺസെടുത്ത് ഓപണർ യശസ്വി ജയ്സ്വാൾ മികച്ച പ്രകടനം കാഴ്ചവച്ചു. കരുൺ നായർ (31), റിഷഭ് പന്ത് (25) കെഎൽ രാഹുൽ (രണ്ട്), നിതീഷ് കുമാർ റെഡ്ഡി (ഒന്ന്) എന്നിവരാണ് പുറത്തായത്.
പ്രായപൂർത്തിയാകാത്ത നായികയുമായി ഇന്റിമേറ്റ് രംഗം ; സീരിയലിനെതിരെ വിമർശനം
ടോസ് ജയിച്ച ഇംഗ്ലീഷ് ക്യാപ്റ്റൻ ബെൻ സ്റ്റോക്ക്സ് രണ്ടാം ടെസ്റ്റിലും ബൗളിങ് തിരഞ്ഞെടുക്കുകയായിരുന്നു. ക്രിസ് വോക്ക്സ് രണ്ടും ഷോയിബ് ബാഷിർ , ബെൻ സ്റ്റോക്സ്, ബ്രൈഡൻ കാർസ് എന്നിവർ ഓരോ വിക്കറ്റ് വീതം വീഴ്ത്തി. തൻ്റെ ഏഴാമത്തെ ടെസ്റ്റ് സെഞ്ച്വറിയാണ് ക്യാപ്റ്റൻ ഗിൽ സ്വന്തമാക്കിയത്. വിരാട് കോഹ്‌ലി, സുനിൽ ഗവാസ്‌കർ, വിജയ് ഹസാരെ എന്നിവർക്ക് പിന്നാലെ ക്യാപ്റ്റനെന്ന നിലയിൽ ആദ്യ രണ്ട് ടെസ്റ്റുകളിലും സെഞ്ച്വറി നേടിയ ഇന്ത്യൻ താരമെന്ന റെക്കോർഡ് ഗിൽ സ്വന്തമാക്കി. ആദ്യ ടെസ്റ്റിലും താരം സെഞ്ച്വറി നേടിയിരുന്നു.
ആദ്യ മത്സരത്തിന് ഇറങ്ങിയ ടീമിനെ ഇംഗ്ലണ്ട് നിർത്തിയപ്പോൾ മൂന്ന് മാറ്റങ്ങളുമായാണ് ഇന്ത്യ ഇറങ്ങിയത്. നിതീഷ് റെഡ്ഡി, ആകാശ് ദീപ്, വാഷിങ്ടൺ സുന്ദർ എന്നിവർ ടീമിൽ ഇടംപിടിച്ചു. പേസർ ജസ്പ്രീത് ബുംറ കളിക്കുന്നില്ല. ജോലിഭാരം കണക്കിലെടുത്ത് താരത്തിന് വിശ്രമം അനുവദിച്ചു. യുവതാരം സായ് സുദർശനും ശാർദുൽ താക്കൂറും ടീമിൽ നിന്ന് പുറത്തായി.
റിപ്പോർട്ടർ ചാനൽ പറഞ്ഞു പറ്റിച്ചു; മെസി എത്താത്ത കാരണം വെളിപ്പെടുത്തി കായിക മന്ത്രി
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.