ബിഹാറിലെ പുര്ണിയയില് കൂട്ടക്കൊല. ദുർമന്ത്രവാദം നടത്തിയെന്നാരോപിച്ച് ഒരുകുടുംബത്തിലെ അഞ്ചുപേരെ ചുട്ടുകൊന്നു. തെത്ഗാമ ഗ്രാമത്തില് ഞായറാഴ്ചയാണ് സംഭവം. അടുത്തിടെ ഗ്രാമത്തിലുണ്ടായ മരണത്തിന് കാരണമായത് ദുർ’മന്ത്രവാദമാണെന്നും ആരോപിച്ച് നാട്ടുകാരാണ് ക്രൂരമായി മര്ദിച്ചശേഷം തീകൊളുത്തി കൊലപ്പെടുത്തിയത്.
സംസ്ഥാന ചലച്ചിത്ര അവാർഡ് പ്രഖ്യാപനം ഇന്ന് തൃശ്ശൂരിൽ
ബാബുലാല് ഒറോണ്, സീതാദേവി, മഞ്ജീത് ഒറോണ്, റാണിയദേവി, തപ്തോ മൊസ്മാത് എന്നിവരാണ് കൊല്ലപ്പെട്ടത്. കുടുംബത്തിലെ ഒരുകുട്ടി ആക്രമണത്തില്നിന്ന് രക്ഷപ്പെട്ടിട്ടുണ്ട്. എന്നാല്, കണ്മുന്നില് കുടുംബാംഗങ്ങളെ കൊലപ്പെടുത്തിയതിന്റെ ആഘാതത്തില്നിന്ന് കുട്ടി മോചിതനായിട്ടില്ലെന്നും അതിനാല് ഇതുവരെ വിവരങ്ങള് ശേഖരിക്കാനായിട്ടില്ലെന്നും പോലീസ് പറഞ്ഞു.
കൊല്ലപ്പെട്ടവരില് നാലുപേരുടെ മൃതദേഹങ്ങള് കത്തിക്കരിഞ്ഞനിലയില് സമീപത്തെ കുളത്തില്നിന്ന് കണ്ടെടുത്തതായും ഉന്നത പോലീസ് ഉദ്യോഗസ്ഥര് അറിയിച്ചു. പ്രദേശവാസിയായ രാംദേവ് ഒറോണ് എന്നയാളുടെ മകന്റെ മരണവുമായി ബന്ധപ്പെട്ടാണ് നടുക്കുന്ന കൂട്ടക്കൊല അരങ്ങേറിയതെന്നാണ് പോലീസ് നല്കുന്നവിവരം. മൂന്നുദിവസം മുന്പാണ് പരമ്പരാഗത ചികിത്സകനായ രാംദേവിന്റെ മകന് മരിച്ചത്. ഇദ്ദേഹത്തിന്റെ മറ്റൊരു കുട്ടിയും അസുഖബാധിതനായി ചികിത്സയിലാണ്.
വെള്ളാപ്പള്ളിയെന്ന് മിണ്ടാതെ CPM; എസ്എൻഡിപി എന്ന് മാത്രം പറഞ്ഞ് കുറ്റപ്പെടുത്തൽ
കുട്ടികള്ക്ക് അസുഖംവരാന് കാരണം ബാബുലോണ് ഒറോണും കുടുംബവും മന്ത്രവാദം നടത്തിയതാണെന്ന് ആരോപിച്ചാണ് നാട്ടുകാര് ഇവരെ ആക്രമിച്ചതെന്നാണ് പ്രാഥമികവിവരം. സംഭവത്തില് പ്രദേശവാസിയായ നകുല്കുമാര് എന്നയാളെ അറസ്റ്റ് ചെയ്തിട്ടുണ്ടെന്നും അന്വേഷണം തുടരുകയാണെന്നും പോലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.