തിരുവനന്തപുരം: ശ്രീ നാരായണ ഗുരുവിന്റെ ജന്മദിനമായ ചതയ ദിനാഘോഷവുമായി ബന്ധപ്പെട്ട് ബിജെപിയില്‍ ഭിന്നത കനക്കുന്നു. ചതയ ദിനാഘോഷം ഒബിസി മോര്‍ച്ചയെ ഏല്‍പ്പിച്ചതില്‍ പ്രതിഷേധിച്ച് നാഷണല്‍ കൗണ്‍സില്‍ അംഗവും മുതിര്‍ന്ന നേതാവുമായ കെ എ ബാഹുലേയന്‍ പാര്‍ട്ടി വിട്ടു. സോഷ്യല്‍ മീഡിയ പോസ്റ്റിലൂടെയാണ് കെ എ ബാഹുലേയന്‍ രാജി പ്രഖ്യാപിച്ചത്.
ചതയ ദിനാഘോഷം സംഘടിപ്പിക്കാന്‍ ബിജെപി ഒബിസി മോര്‍ച്ചയെ ഏല്‍പ്പിച്ച നടപടി സങ്കുചിത ചിന്താഗതിയാണെന്ന് ആരോപിച്ചാണ് നടപടി. എസ്എന്‍ഡിപി അസിസ്റ്റന്റ് സെക്രട്ടറി കൂടിയാണ് കെ എ ബാഹുലേയന്‍. ഒരു രാഷ്ട്രീയ പാര്‍ട്ടി പിന്നോക്ക സംഘടനയെ ചതയ ദിനാഘോഷം സംഘടിപ്പിക്കാന്‍ ഏല്‍പ്പിച്ചത് കേരളത്തിന്റെ ചരിത്രത്തില്‍ ആദ്യമാണെന്നും, പാര്‍ട്ടിയുടെ ഈ നിലപാട് കടുത്ത മാനസിക വേദനയുണ്ടാക്കിയെന്നും ബാഹുലേയന്‍ മാധ്യമങ്ങളോടും പ്രതികരിച്ചു.
ബിജെപി നേതൃത്വത്തിന് എതിരെ നേരത്തെയും ബാഹുലേയന്‍ പരസ്യമായി രംഗത്തെത്തിയിരുന്നു. ബിജെപി സംസ്ഥാന നേതൃത്വം പുനഃസംഘടിപ്പിച്ചതിന് പിന്നാലെയായിരുന്നു ബാഹുലേയന്‍ നേരത്തെ വിമര്‍ശനം ഉന്നയിച്ചത്. പുനഃസംഘടനയോടെ സവര്‍ണ-ക്രിസ്ത്യന്‍ ആധിപത്യ പാര്‍ട്ടിയായി ബിജെപി മാറി എന്നായിരുന്നു ബാഹുലേയന്‍ ഉയര്‍ത്തിയ ആക്ഷേപം.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
Also Read
വി.എസ്സിനെ കാണാൻ അഭൂതപൂർവമായ ജനക്കൂട്ടം, സംസ്കാര ചടങ്ങുകൾക്ക് താമസം നേരിടും ; എം.വി ഗോവിന്ദൻ
വി.എസ്സിനെ കാണാൻ അഭൂതപൂർവമായ ജനക്കൂട്ടം, സംസ്കാര ചടങ്ങുകൾക്ക് താമസം നേരിടും ; എം.വി ഗോവിന്ദൻ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.