തകർന്ന കെട്ടിടാവശിഷ്ടങ്ങൾക്ക് ഇടയിൽ സ്ത്രീ കുടുങ്ങിക്കിടന്നത് മണിക്കൂറുകളോളം; കോട്ടയം മെഡിക്കൽ കോളേജിൽ ഗുരുതര വീഴ്ച

കോട്ടയം മെഡിക്കൽ കോളേജിൽ കെട്ടിടം തകർന്നു വീണ സംഭവത്തിൽ ഗുരുതര വീഴ്ച. കെട്ടിടാവശിഷ്ടങ്ങൾക്ക് ഇടയിൽ ഒരു സ്ത്രീ കുടുങ്ങിക്കിടന്നത് രണ്ട് മണിക്കൂറിലേറെ. രക്ഷാപ്രവർത്തനം വൈകിയതിനെതിരെ രൂക്ഷമായ വിമർശനവും പ്രതിഷേധവുമാണ് സ്ഥലത്ത് നടക്കുന്നത്.

Also Read അറസ്റ്റിലായ കന്യാസ്ത്രീകളെ പിന്തുണച്ച് കേരള ബിജെപി; മതപരിവർത്തന ആരോപണം തള്ളി രാജീവ് ചന്ദ്രശേഖർ

ഉപയോഗ ശൂന്യമായ കെട്ടിടമാണെന്നും അടച്ചിട്ടിരുന്നതായിരുന്നു എന്നുമായിരുന്നു മന്ത്രിമാരായ വീണാ ജോർജും വിഎൻ വാസവനും അവകാശപ്പെട്ടത്. എന്നാൽ കെട്ടിടം ഉപയോഗിച്ചുകൊണ്ടിരുന്നതാണ് എന്നാണ് പഞ്ചായത്ത് പ്രസിഡൻ്റ് ദീപാ ജോസ് അടക്കം സ്ഥിരീകരിച്ചത് .

ആശുപത്രിയിലെത്തിയ കൂട്ടിരിപ്പുകാരി ബിന്ദു എന്ന സ്ത്രീയാണ് അപകടത്തിൽപ്പെട്ടത് എന്നാണ് സൂചനകൾ. ഇവർ ശുചി മുറിയിലേക്ക് പോയത് എന്നാണ് വിവരം. മണിക്കൂറുകളോളം ഒരാൾ കുടുങ്ങിക്കിടന്നതും രക്ഷാപ്രവർത്തനം വൈകിയതിനെപ്പറ്റിയും അധികൃതർ ഉത്തരം നൽകണമെന്ന് ചാണ്ടി ഉമ്മൻ എംഎൽഎ ആവശ്യപ്പെട്ടു.

You May Also Like ഗവർണർ – മുഖ്യമന്ത്രി കൂടിക്കാഴ്ച; വിശദാംശങ്ങൾ സംബന്ധിച്ച സസ്പെൻസ് തുടരുന്നു