കേരളത്തില്‍ 16 കോച്ചുകളുള്ള മെമു ട്രെയിൻ സർവീസ് ഉടൻ ആരംഭിക്കും. ഇതിനായുള്ള പ്രാരംഭ നടപടികള്‍ക്ക് ദക്ഷിണ റെയില്‍വേ തുടക്കമിട്ടു. ഇന്നലെ കൊല്ലം- കായംകുളം റൂട്ടില്‍ ഉച്ചകഴിഞ്ഞ് മൂന്നിന് ട്രെയിനിന്‍റെ ട്രയല്‍ റണ്‍ നടന്നു. ഇരു ദിശകളിലുമായി നടന്ന പരീക്ഷണ ഓട്ടം വിജയകരമായിരുന്നുവെന്ന് ദക്ഷിണറെയില്‍വേ അധികൃതർ പറഞ്ഞു.
മംഗളൂരു – കോഴിക്കോട് റൂട്ടിൽ ട്രെയിനുകളുടെ വേഗം വർദ്ധിപ്പിക്കാൻ തീരുമാനം
കഴിഞ്ഞ വ്യാഴാഴ്ച 12 കോച്ചുകള്‍ ഉള്ള പുതിയ മെമു റേക്ക് ചെന്നൈയിലെ താംബരത്തുനിന്നും കൊല്ലം മെമു ഷെഡില്‍ എത്തിച്ചിരുന്നു. തുടർന്ന് തിരുവനന്തപുരം റെയില്‍വേ ഡിവിഷണല്‍ മാനേജർ ഡോ. മനീഷ് തപ്യാലിന്‍റെ നേതൃത്വത്തിലുള്ള ഉന്നത ഉദ്യോസ്ഥസംഘം റേക്കുകളില്‍ വിശദമായ സാങ്കേതിക പരിശോധനകളും നടത്തിയതിനുശേഷം പരീക്ഷണ ഓട്ടത്തിന് അനുമതി നല്‍കുകയായിരുന്നു
നിലവില്‍ കേരളത്തില്‍ സർവീസ് നടത്തുന്ന മെമു ട്രെയിനുകളില്‍ എട്ട്, 12 കോച്ചുകള്‍ വീതമാണ് ഉള്ളത്. ഇതില്‍ 12 കോച്ചുകള്‍ ഉള്ളവയാണ് 16 എണ്ണമായി ഉയർത്തുന്നത്. ഏതൊക്കെ റൂട്ടുകളിലാണ് കോച്ചുകളുടെ എണ്ണം 16 ആയി വർധിപ്പിക്കുന്നത് എന്നതു സംബന്ധിച്ച്‌ അന്തിമ തീരുമാനം ആയിട്ടില്ല.
മുനമ്പം പ്രശ്നം പരിഹരിക്കാൻ മുഖ്യമന്ത്രി ഇടപെടുന്നു, ബിഷപ്പുമാരെ ചർച്ചക്ക് വിളിച്ചു
കൊല്ലം- ആലപ്പുഴ, ആലപ്പുഴ- എറണാകുളം, എറണാകുളം-ഷൊർണൂർ, ഷൊർണൂർ – കണ്ണൂർ റൂട്ടുകളാണ് ആദ്യഘട്ടത്തില്‍ പരിഗണിക്കുക എന്നാണു വിവരം. താംബരത്തുനിന്ന് കൂടുതല്‍ പുതിയ മെമു റേക്കുകള്‍ കൊല്ലത്ത് ഉടൻ എത്തുമെന്നാണ് അധികൃതർ നല്‍കുന്ന സൂചനകള്‍. കൊല്ലത്തെ മെമു ഷെഡില്‍ 12 കോച്ചുകളുടെ അറ്റകുറ്റപ്പണികളാണ് ഇപ്പോള്‍ നടന്നുവരുന്നത്. ഇത് 16 ലേക്ക് ഉയർത്തുന്നതിനുള്ള പ്രവൃത്തികള്‍ യുദ്ധകാലാടിസ്ഥാനത്തില്‍ പുരോഗമിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.