തെലങ്കാനയിൽ സഹപ്രവര്ത്തകരുമായുള്ള തര്ക്കത്തിന്റെ പേരിൽ സ്കൂളിലെ കുടിവെള്ള ടാങ്കില് അധ്യാപകന് കീടനാശിനി കലര്ത്തി. വെള്ളം കുടിച്ച് ദേഹാസ്വാസ്ഥ്യം അനുഭവപ്പെട്ട 11 കുട്ടികളെ ആശുപത്രിയില് പ്രവേശിപ്പിച്ചു. തെലങ്കാന ജയശങ്കര് ഭൂപല്പ്പള്ളി ജില്ലയിലെ അര്ബന് റെസിഡന്ഷ്യല് സ്കൂളിലാണ് സംഭവം.
അച്ഛനെ വെട്ടിയ ശേഷം ആത്മഹത്യ ഭീഷണി മുഴക്കി മകൻ
സ്കൂളിലെ സയന്സ് അധ്യാപകനായ രാജേന്ദര് ആണ് വെള്ളത്തില് കീടനാശിനി കലര്ത്തിയത്. തുടർന്ന് കീടനാശിനിയുടെ കുപ്പി ഇയാള് വിദ്യാര്ഥികളുടെ താമസ സ്ഥലത്ത് ഒളിപ്പിക്കുകയായിരുന്നെന്ന് പൊലീസ് പറയുന്നു. കീടനാശിനി കണ്ടെത്തിയ സംഭവം വിദ്യാര്ഥികള് പറഞ്ഞപ്പോൾ വിഷയം പുറത്തറിയിക്കരുത് എന്ന് അധ്യാപകന് ഭീഷണിപ്പെടുത്തിയതായും വിദ്യാർഥികൾ ആരോപിക്കുന്നു.
തന്നിലേക്ക് സംശയം എത്താതിരിക്കാൻ രാജേന്ദര് വെള്ളം കുടിച്ച് കാണിച്ച് കൊടുത്തെന്നും റിപ്പോര്ട്ടുകള് പറയുന്നു. ഇയാളെയും പിന്നീട് ആശുപത്രിയില് പ്രവേശിപ്പിച്ചു. കുട്ടികളുടെ നില ഗുരുതരമല്ല, ഇവരെ പിന്നീട് ഡിസ്ചാര്ജ് ചെയ്തതായി അധികൃതര് അറിയിച്ചു.
കെഎസ്ആർടിസിക്ക് 122 കോടി രൂപയുടെ സാമ്പത്തികസഹായം അനുവദിച്ച് സർക്കാർ
സംഭവത്തിൽ രാജേന്ദറിനെയും മറ്റ് രണ്ട് അധ്യാപകരായ വേണു, സൂര്യപ്രകാശ്, പാചകക്കാരിയായ രാജേശ്വരി എന്നിവരെയും സസ്പെന്ഡ് ചെയ്തു. വിദ്യാര്ഥികളുടെ സുരക്ഷയെ അപകടത്തിലാക്കുന്ന തരത്തില് തര്ക്കങ്ങളില് ഏര്പ്പെടരുതെന്നും അധികൃതര് സ്കൂള് പ്രിന്സിപ്പലിനും ജീവനക്കാര്ക്കും മുന്നറിയിപ്പ് നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.