നടനും കേന്ദ്രമന്ത്രിയും എംപിയുമായ സുരേഷ് ഗോപിയെ കാണാനില്ലെന്ന് പോലീസില് പരാതി. കെ.എസ്.യു തൃശ്ശൂര് ജില്ലാ പ്രസിഡന്റ് ഗോകുല് ഗുരുവായൂരാണ് സുരേഷ് ഗോപിയെ കാണാനില്ലെന്ന് കാണിച്ച് തൃശ്ശൂര് ഈസ്റ്റ് പോലീസില് പരാതി നല്കിയത്. ഇമെയില് വഴിയാണ് ഗോകുല് പോലീസിന് പരാതി നല്കിയിട്ടുള്ളത്.
ഛത്തീസ്ഗഢില് കന്യാസ്ത്രീകളുടെ അറസ്റ്റിന്ശേഷം സുരേഷ് ഗോപിയെ കാണാനില്ലെന്നും സുരേഷ് ഗോപിയുടെ തിരോധാനത്തിന് പിന്നില് ആരാണെന്ന് കണ്ടെത്തണമെന്നുമാണ് പരാതിയില് പറയുന്നത്. കന്യാസ്ത്രീകളുടെ അറസ്റ്റുമായി ബന്ധപ്പെട്ട വിഷയത്തിൽ സുരേഷ് ഗോപി പ്രതികരിക്കാത്തതിനെതിരേ വിമർശനം ഉയരുന്ന പശ്ചാത്തലത്തിലാണ് പരാതി.
കന്യാസ്ത്രീകളുടെ അറസ്റ്റില് ബിജെപിക്കെതിരേ സഭാനേതാക്കളില്നിന്നടക്കം വലിയ വിമര്ശനമുണ്ടായിരുന്നു. വിഷയത്തില് സുരേഷ് ഗോപി മൗനം പാലിച്ചതില് സഭാപ്രവര്ത്തകര്ക്കിടയിലും നീരസമുണ്ടായിരുന്നു. ഇതിനിടെ സുരേഷ് ഗോപിയെ പരോക്ഷമായി പരിഹസിച്ച് ഓര്ത്തഡോക്സ് സഭാ തൃശ്ശൂര് ഭദ്രാസനാധിപന് യൂഹാനോന് മാര് മിലിത്തിയോസ് മെത്രാപ്പോലീത്തയും രംഗത്തെത്തി. ഞങ്ങള് തൃശ്ശൂരുകാര് തിരഞ്ഞെടുത്ത് ഡല്ഹിയിലേക്ക് അയച്ച ഒരു നടനെ കാണാനില്ലെന്നും പോലീസില് അറിയിക്കണമോ എന്നാണ് ആശങ്കയെന്നും അദ്ദേഹം ഫെയ്സ്ബുക്കില് കുറിച്ചിരുന്നു.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
വീണാ ജോർജിനെ കാണാനെത്തിയ മന്ത്രി ബാലഗോപാലും ബിജെപി പ്രവർത്തകരും തമ്മിൽ തർക്കം; ആശുപത്രിയിൽ നിന്നും തിരുവനന്തപുരത്തേക്ക് മടങ്ങി ആരോഗ്യമന്ത്രി
വായനക്കാരുടെ അഭിപ്രായങ്ങള് അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.