പാമ്പുകളെ നാം മിക്കപ്പോഴും ഭയപ്പാടോടെയാണ് കാണുന്നത്. എന്നാൽ പാമ്പുകൾ വേണ്ടി ഒരു ദിവസമുണ്ട്. ജൂലൈ 16 ലോക പാമ്പ് ദിനമാണ്. ഈ ദിവസം ലോകമെമ്പാടുമുള്ള പാമ്പുകളെക്കുറിച്ചുള്ള അവബോധം വളർത്താനും അവയുടെ പ്രാധാന്യം മനസ്സിലാക്കാനും വേണ്ടി ആചരിക്കുന്നു. പാമ്പുകളെക്കുറിച്ചുള്ള തെറ്റിദ്ധാരണകൾ മാറ്റാനും അവയെ സംരക്ഷിക്കേണ്ടതിൻ്റെ ആവശ്യകതയെക്കുറിച്ച് ബോധവൽക്കരണം നടത്താനും ഈ ദിവസം ലക്ഷ്യമിടുന്നു. 1970 ലാണ് ഈ ദിനാചരണം ആദ്യമായി ആരംഭിച്ചത്.
നിലമ്പൂരിൽ CPM പ്രതാപകാലത്തെ ബംഗാൾ മോഡൽ മത്സരമോ! ഇടതിൻ്റെ സർവാധിപത്യം തകർക്കാൻ മമതക്കൊപ്പം നിന്ന കോൺഗ്രസിൻ്റെ ഇന്നത്തെ അവസ്ഥക്ക് കാരണം? ചരിത്രം കേരളത്തിൽ ആവർത്തിക്കുമോ?
പാമ്പുകൾ പരിസ്ഥിതിയുടെ സന്തുലിതാവസ്ഥയിൽ ഒരു പ്രധാന പങ്ക് വഹിക്കുന്നു. അവ എലികൾ, പ്രാണികൾ തുടങ്ങിയവയെ നിയന്ത്രിക്കുന്നതിലൂടെ വിളനാശവും രോഗങ്ങളും തടയുന്നു. കൂടാതെ, ചില പാമ്പുകളുടെ വിഷം മരുന്ന് നിർമ്മാണത്തിന് ഉപയോഗിക്കുന്നു. ലോകത്തിലെ ഏറ്റവും വലിയ ഉരഗങ്ങളിൽ ഒന്നാണ് പാമ്പ്. ഏകദേശം 3,500 വ്യത്യസ്ത ഇനം പാമ്പുകൾ ലോകമെമ്പാടുമുണ്ട്. അവയിൽ പലതും വിഷമില്ലാത്തവയാണ്.
പാമ്പുകളെക്കുറിച്ചുള്ള ഭയം പലപ്പോഴും തെറ്റിദ്ധാരണകൾ മൂലമാണ് ഉണ്ടാകുന്നത്. അതിനാൽ, പാമ്പുകളെക്കുറിച്ച് ശരിയായ വിവരങ്ങൾ നൽകുന്നതിലൂടെ അവയെക്കുറിച്ചുള്ള ഭയം കുറയ്ക്കുകയും സംരക്ഷണ പ്രവർത്തനങ്ങൾക്ക് പിന്തുണ നൽകുകയും ചെയ്യാം എന്ന് ലോക പാമ്പ് ദിനാചരണം വഴി ലക്ഷ്യമിടുന്നു.
ലോകത്തെമ്പാടുമുള്ള 3500 ഓളം വിഭാഗം പാമ്പുകളിൽ 600 ഓളം ഇനങ്ങൾക്ക് മാത്രമേ വിഷമുള്ളൂ എന്നാണ് കണക്കുകൾ. കേരളത്തിൽ ഏകദേശം 106 ഇനം പാമ്പുകളുണ്ടെന്നാണ് കണക്ക്. ഇതിൽ 10 ഇനം മാത്രമാണ് വിഷമുള്ളവ. ഈ 10 എണ്ണത്തില് തന്നെ അഞ്ചോളം എന്ന് പറയുന്നത് കടലില് കാണുന്നതാണ്. വർഷത്തിൽ രണ്ടോ മൂന്നോ പ്രാവശ്യം പാമ്പുകൾ അവയുടെ കട്ടികൂടിയ തൊലി പൊഴിച്ചു കളയാറുണ്ട്.
ഗോവിന്ദൻ തുറന്നുവിട്ട സിപിഎമ്മിൻ്റെ RSS ‘ഭൂതം’ നിലമ്പൂർ തിരഞ്ഞെടുപ്പിൽ വർത്തമാനമാക്കി യുഡിഎഫിൻ്റെ സർജിക്കൽ സ്ട്രൈക്ക്
ലോകത്തിലെ ഏറ്റവും ചെറിയ പാമ്പ് ബാർബഡോസ് ത്രെഡ് പാമ്പാണ്. ഏകദേശം 4 ഇഞ്ച് ഉയരമുള്ള ഈ പാമ്പ് ഒരു നൈറ്റ്ക്രാളറിനേക്കാൾ ചെറുതാണ്. താരതമ്യപ്പെടുത്തുമ്പോൾ, ഏറ്റവും നീളമുള്ള പാമ്പ് റെറ്റിക്യുലേറ്റഡ് പെരുമ്പാമ്പാണ്, ഏറ്റവും ഭാരം കൂടിയത് പച്ച അനക്കോണ്ടയാണ്.
പാമ്പുകളെക്കുറിച്ച് രസകരമായ ചില വസ്തുക്കൾ
അറിയപ്പെടുന്ന ഇനങ്ങളിൽ 1/8 മാത്രമേ വിഷമുള്ളൂ.
ഇരയെ പൂർണമായും തിന്നുന്ന ജീവിയാണ് പാമ്പ്
പാമ്പുകൾക്ക് അവയുടെ തലയുടെ വ്യാസത്തിന്റെ മൂന്നിരട്ടി വരെ വലിപ്പമുള്ള ഇരയെ തിന്നാനുള്ള കഴിവുണ്ട്.
മിക്ക പാമ്പുകളും രാത്രി സഞ്ചാരികളാണ്.
പാമ്പ് നാവ് മണം പിടിക്കാൻ ഉപയോഗിക്കുന്നു.
പാമ്പുകൾ തണുത്ത രക്തമുള്ള ജീവികൾ അഥവാ എക്ടോതെർമുകൾ ആണ്, അവയ്ക്ക് ശരീര താപനില നിയന്ത്രിക്കാൻ സ്വയം സൂര്യപ്രകാശം ഏൽക്കേണ്ടതുണ്ട്.
മിക്ക പാമ്പുകളും മുട്ടയിടുമ്പോൾ, ചിലത് ജീവനോടെ പ്രസവിക്കുന്നു.
ട്യൂമർ വിരുദ്ധ ചികിത്സകൾ മുതൽ ആൻറി ബാക്ടീരിയൽ ഉപയോഗം തുടങ്ങിയ വൈദ്യശാസ്ത്ര ആവശ്യങ്ങൾക്കായി പാമ്പിൻ്റെ വിഷം ഉപയോഗിക്കുന്നു.
പാമ്പില്ലാത്ത ഭൂഖണ്ഡം
ലോകത്തെ വൻകരകളിൽ (ഭൂഖണ്ഡം) ഒന്നായ അന്റാർട്ടിക്കയിൽ പാമ്പുകളേയില്ല. പാമ്പുകൾ തണുപ്പുനിറഞ്ഞ മേഖലകൾ ഒഴിവാക്കും. ഇവ ശീതരക്ത ജീവികളായതിനാൽ തണുപ്പുകൂടിയ മേഖലകളിൽ ശരീരതാപനില നിയന്ത്രിക്കാനും പാടാണ്. അന്റാർട്ടിക്കയിൽ പാമ്പില്ലാത്തതിന്റെ കാരണങ്ങൾ ഇവയൊക്കെയാണ്. ഭൂമിയിൽ മിക്ക മേഖലകളിലും പാമ്പുകളുണ്ട്. കരയിലും കടലിലും മരുഭൂമിയിലുമൊക്കെ പാമ്പുകളുടെ സാന്നിധ്യം കാണാം. എന്നാൽ ഒറ്റ പാമ്പു പോലുമില്ലാത്ത ചില രാജ്യങ്ങളുണ്ട്.
ഒറ്റ പാമ്പ് പോലുമില്ലാത്ത അയർലൻഡ്
15 കോടി വർഷം മുൻപാണ് പാമ്പുകൾ ഭൂമിയിൽ പ്രത്യക്ഷപ്പെട്ട് പെരുകിയതെന്ന് ശാസ്ത്രജ്ഞർ പറയുന്നു. എന്നാൽ അപ്പോഴേക്കും അയർലൻഡ് മറ്റു കരകളിൽ നിന്നെല്ലാം അകന്ന് ഒരു ദ്വീപിന്റെ സ്വഭാവം കൈവരിച്ചിരുന്നു. അതിനാൽ പാമ്പുകൾക്ക് അവിടെയെത്താൻ സാധിച്ചില്ല. അക്കാലത്ത് അയർലൻഡ് അതീവ ശൈത്യമുള്ള രാജ്യമായതും പാമ്പുകളെ ഇങ്ങോട്ടേക്ക് ആകർഷിച്ചില്ല. ഏതായാലും അയർലൻഡിൽ ഇപ്പോഴും പാമ്പുകളില്ല. എന്നാൽ തൊട്ടടുത്ത് തന്നെയുള്ള ഇംഗ്ലണ്ടിൽ മൂന്നിനത്തിലുള്ള പാമ്പുകളുണ്ട്. അയർലൻഡിലെപ്പോലെ തന്നെ മറ്റൊരു യൂറോപ്യൻ രാജ്യമായ ഐസ്ലൻഡിലും പാമ്പുകളില്ല. അയർലൻഡിലുള്ള അതേ കാരണങ്ങളാണ് ഇവിടെ പാമ്പുകളില്ലാതെയാകാൻ ഇടയാക്കിയത്.
പാമ്പുകളില്ലാത്ത, പാമ്പുകളെ നിരോധിച്ച രാജ്യം
ഇതുപോലെ പാമ്പുകളില്ലാത്ത മറ്റൊരു രാജ്യമാണ് ന്യൂസീലൻഡ്. വമ്പൻ രാജ്യമായ ഓസ്ട്രേലിയയ്ക്കു സമീപം സമുദ്രത്തിലാണ് ന്യൂസീലൻഡ് സ്ഥിതി ചെയ്യുന്നത്. ഓസ്ട്രേലിയയിലാണെങ്കിൽ ലോകത്തിലെ ഏറ്റവും വിഷമുള്ള പാമ്പു മുതൽ ഏറ്റവും അപകടകാരിയായ പാമ്പു വരെയുണ്ട്. എന്നാൽ ന്യൂസീലൻഡിൽ പാമ്പില്ല. ചിലപ്പോഴൊക്കെ പാമ്പുകൾ കടൽ സ്ട്രീമുകളിൽപ്പെട്ട് അയൽരാജ്യങ്ങിളേലേക്ക് എത്തിപ്പെടാറുണ്ട്. എന്നാൽ ഓസ്ട്രേലിയയും ന്യൂസീലൻഡും തമ്മിലുള്ള ദൂരം വളരെ കൂടുതലായതിനാൽ ഇവയ്ക്ക് അതു സാധ്യമല്ല. ഫലമോ ന്യൂസീലൻഡിൽ പാമ്പുകളില്ലാതെയായി. ന്യൂസീലൻഡ് മൃഗസംരക്ഷണ വകുപ്പ് നൽകുന്ന വിവരപ്രകാരം കടൽപ്പാമ്പുകൾ പോലും ഈ ദ്വീപിനു സമീപത്തേക്ക് അധികം എത്താറില്ലത്രേ. താപനില വളരെ കുറവായതിനാൽ തണുത്തവെള്ളം ഇവിടെ സ്ഥിതി ചെയ്യുന്നതാണ് കാരണം. ഏതായാലും പാമ്പുകളെ മൊത്തത്തിൽ നിരോധിച്ച രാജ്യം കൂടിയാണ് ന്യൂസീലൻഡ്.
പാമ്പുകൾ ഇല്ലാത്ത മറ്റ് പ്രദേശങ്ങൾ
ഓഷ്യാനിയൻ മേഖലകളിലുള്ള ദ്വീപുകളായ കിരിബാറ്റി, ടുവാലു, നാവുറു തുടങ്ങിയവയിലൊന്നും പാമ്പുകളില്ല. യുഎസ് സംസ്ഥാനങ്ങളായ അലാസ്കയിലും ഹവായിയിലും പാമ്പുകളില്ല. കാനഡയുടെ വടക്കൻ ഭാഗങ്ങളിൽ പാമ്പുകൾ അപൂർവമാണ്. റഷ്യയിലെ സൈബീരിയയിലും പാമ്പുകളില്ല. ഇന്ത്യയുടെ ഭാഗമായ ലക്ഷദ്വീപ് സമൂഹത്തിലെ ഭൂരിഭാഗം ദ്വീപുകളിലും പാമ്പുകളില്ല.
Also Read: ചേരക്ക് ഉന്നത പദവി; ശിപാർശ നൽകി വനം വകുപ്പ്
ഹവായിയിൽ പാമ്പുകളില്ലെങ്കിലും മറ്റൊരു യുഎസ് സമുദ്രമേഖലാ ദ്വീപായ ഗുവാമിൽ ലക്ഷക്കണക്കിനു പാമ്പുകളുണ്ട്. ഓസ്ട്രേലിയയിൽ നിന്ന് ഇവിടെയെത്തിയ ബ്രൗൺ ട്രീ സ്നേക്കുകളാണ് ഇവയിൽ കൂടുതൽ. ഇവ ഇവിടെ എത്തിയതോടെ ദ്വീപിലെ തദ്ദേശീയമായ പക്ഷികളെല്ലാം നശിച്ചു. വലിയ ഒരു പരിസ്ഥിതി പ്രതിസന്ധി ഗുവാം ദ്വീപിൽ പാമ്പുകൾ മൂലം ഉടലെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.