അര്‍ജൻ്റീനിയൻ ഫുട്ബോബോൾ ഇതിഹാസം ലയണൽ മെസിയും സംഘവും 2025ൽ കേരളത്തിലേക്കില്ലെന്ന് സൂചിപ്പിച്ച് ടീമിൻ്റെ ഈ വർഷത്തെ സൗഹൃദ മത്സര പട്ടിക. ടീമിന്റെ ഈ വര്‍ഷത്തെ സൗഹൃദ മത്സരങ്ങളില്‍ അര്‍ജന്റീന ഈ വര്‍ഷം ഇന്ത്യയിലേക്കില്ലെന്ന് ഉറപ്പായി..
അനർട്ട് അഴിമതി ആരോപണത്തിൽ വൈദ്യുതി മന്ത്രിക്കെതിരെ വീണ്ടും ചെന്നിത്തല; കെ കൃഷ്ണൻകുട്ടിയോട് ചോദ്യങ്ങൾ
ഒക്ടോബറില്‍ ചൈനയില്‍ രണ്ട് മത്സരങ്ങള്‍ കളിക്കും. ഒരു മത്സരത്തില്‍ ചൈന എതിരാളികളാവും. നവംബറില്‍ ആഫ്രിക്കയിലും ഖത്തറിലും അര്‍ജന്റീന കളിക്കും. ആഫ്രിക്കയിലെ മത്സരത്തില്‍ അംഗോള എതിരാളികള്‍. ഖത്തറില്‍ അര്‍ജന്റീന, അമേരിക്കയുമായി ഏറ്റുമുട്ടും. ഈ വര്‍ഷം സെപ്റ്റംബറോടെ ദക്ഷിണ അമേരിക്കന്‍ ലോകകപ്പ് യോഗ്യതാ മത്സരങ്ങള്‍ അവസാനിക്കും. തുടര്‍ന്ന് ലോകകപ്പ് തയ്യാറെടുപ്പ് എന്ന നിലയിലാണ് ദേശീയ ടീം സൗഹൃദ മത്സരങ്ങള്‍ക്ക് പുറപ്പെടുന്നത്.
പോറ്റിയുടെ കുടുംബത്തോടൊപ്പം കടകംപള്ളി ; പുതിയ ചിത്രങ്ങൾ പുറത്ത്
ഈ വർഷം ഒക്ടോബറില്‍ മെസിയും സംഘവും കേരളത്തില്‍ എത്തുമെന്നാണ് കായിക മന്ത്രി വി അബ്ദുറഹിമാന്‍ പറഞ്ഞിരുന്നത്. മന്ത്രിയോ സര്‍ക്കാറോ കഴിഞ്ഞ കുറെയാഴ്ചകളായി ഈ വിഷയത്തില്‍ പ്രതികരിക്കാറില്ലായിരുന്നു. 2011ലാണ് ഇതിന് മുമ്പ് അര്‍ജന്റീന ഇന്ത്യയിലെത്തിയത്. അന്ന് മെസിയുടെ നേതൃത്വത്തിലിറങ്ങിയ ടീം കൊല്‍ക്കത്ത സാള്‍ട്ട്‌ലേക്ക് സ്റ്റേഡിയത്തില്‍ വെനസ്വേലയെ ആണ് നേരിട്ടത്. അന്ന് അര്‍ജന്റീന ഏകപക്ഷീയമായ ഒരു ഗോളിന് ജയിച്ചിരുന്നു.
2022ല്‍ ഖത്തറില്‍ നടന്ന ഫുട്‌ബോള്‍ ലോകകപ്പില്‍ കിരീടം നേടിയ അര്‍ജന്റീന ടീമിന് കേരളത്തില്‍ നിന്ന് ലഭിച്ച പിന്തുണക്ക് അര്‍ജന്റീന ഫുട്‌ബോള്‍ അസോസിയേഷന്‍ നന്ദി പറഞ്ഞിരുന്നു. ഇതിന് പിന്നാലെയായിരുന്നു കേരളം മെസിയെയും സംഘത്തേയും സംസ്ഥാനത്തേക്ക് ക്ഷണിച്ചത്.
അര്‍ജന്റീന കേരളത്തില്‍ കളിക്കാന്‍ താൽപര്യം അറിയിച്ചെങ്കിലും സൂപ്പര്‍ താരങ്ങളടങ്ങിയ ടീമിനെ ഇന്ത്യയിലെത്തിക്കുന്നതിനുള്ള ചെലവ് സര്‍ക്കാരിന്റെ മുന്നിൽ വലിയ വെല്ലുവിളിയായിരുന്നു. ഒടുവില്‍ എച്ച്എസ്ബിസി പ്രധാന സ്‌പോണ്‍സര്‍മാരായി വന്നുവെന്നും അര്‍ജന്റീന ടീമിനെ കേരളത്തില്‍ ഒക്ടോബറിൽ എത്തിക്കുമെന്നും മന്ത്രി അവകാശപ്പെട്ടിരുന്നം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.