കര്‍ണാടകയിലെ വിനോദസഞ്ചാര കേന്ദ്രമായ മൈസൂരില്‍ ബലൂണ്‍ നിറയ്ക്കുന്ന ഹീലിയം ഗ്യാസ് സിലിണ്ടര്‍ പൊട്ടിത്തെറിച്ച് രണ്ട് പേർ മരിച്ചു. സംഭവത്തില്‍ അഞ്ചു പേര്‍ക്ക് പരുക്കേറ്റു. മൈസൂര്‍ കൊട്ടാരത്തിന് സമീപം വ്യാഴാഴ്ച രാത്രി എട്ടരയോടെയാണ് സംഭവം. യുപിയിലെ കനൗജ് ജില്ലയിലെ തോഫിയ സ്വദേശി സലിം(40) ആണ് മരിച്ചവരിൽ ഒരാൾ. ഇയാൾ ബലൂൺ കച്ചവടക്കാരനായിരുന്നു.
ഭക്തിയുടെ നിറവിൽ ഇന്ന് ശ്രീകൃഷ്ണ ജയന്തി; വീഥികൾ ഉണ്ണിക്കണ്ണന്മാരെക്കൊണ്ടും രാധമാരെക്കൊണ്ടും നിറയും; കണ്ണിന് കുളിർമയേകുന്ന ശോഭായാത്രകൾ നാടൊട്ടുക്കും നടക്കും
അപകടത്തില്‍ വിനോദസഞ്ചാരികള്‍ ഉള്‍പ്പെടെയുള്ളവര്‍ക്കാണ് പരുക്കേറ്റത്. ഷെഹ്നാസ് ഷബീര്‍ (54), ലക്ഷ്മി (45), കോത്രേഷ് ഗുട്ടെ (54), മഞ്ജുള നഞ്ജന്‍ഗുഡ് (29), രഞ്ജിത (30) എന്നിവര്‍ക്കാണ് പരുക്കേറ്റത്. പരുക്കേറ്റവരെ കെആര്‍ ആശുപത്രിയില്‍ പ്രവേശിപ്പിച്ചു. ഇവരില്‍ ലക്ഷ്മിയുടെ നില ഗുരുതരമാണെന്നാണ് വിവരം. സംഭവസമയം നിരവധി വിനോദസഞ്ചാരികളും നാട്ടുകാരും പ്രദേശത്തുണ്ടായിരുന്നു. കൊട്ടാരത്തില്‍ പൊതുജനങ്ങള്‍ക്കായി സംഗീത പരിപാടികള്‍ നടക്കുന്നതിനിടെയാണ് അപകടം.
മൈസൂര്‍ കൊട്ടാരത്തിന്റെ പ്രധാന കവാടത്തിന് മുന്നിലാണ് പൊട്ടിത്തെറിയുണ്ടായത്. ഒരു കിലോമീറ്റര്‍ അകലെ വരെ പൊട്ടിത്തെറി ശബ്ദം കേട്ടതായി ആളുകള്‍ പറഞ്ഞു. സംഭവം നടന്ന് മിനിറ്റുകള്‍ക്കുള്ളില്‍ പോലീസ് സ്ഥലത്തെത്തി പരുക്കേറ്റവരെ ആശുപത്രിയിലേക്ക് മാറ്റി. ഫോറന്‍സിക് വിദഗ്ധര്‍ തെളിവുകള്‍ ശേഖരിച്ചിട്ടുണ്ട്. സംഭവത്തില്‍ അന്വേഷണം പുരോഗമിക്കുകയാണെന്നു പോലീസ് അറിയിച്ചു
കൊല്ലത്ത് മാനസികാസ്വാസ്ഥ്യം ഉള്ള യുവാവിനെ പിതാവും, സഹോദരനും ചേർന്ന് കൊലപ്പെടുത്തി
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.