കെടിയു ഡിജിറ്റൽ സർവകലാശാല വൈസ് ചാൻസിലർ നിയമനത്തില് ഗവർണർ സ്വീകരിച്ച നടപടികൾ നിയമവിരുദ്ധമാണെന്ന് തെളിഞ്ഞെന്ന് ഉന്നത വിദ്യാഭ്യാസ മന്ത്രി ആര് ബിന്ദു.ഗവർണർ നൽകിയ അപ്പീൽ കോടതി തള്ളി. സർക്കാർ കാലങ്ങളായി പറഞ്ഞുകൊണ്ടിരുന്നത് ശരിയാണെന്ന് കോടതിവിധി തെളിയിക്കുന്നു. കുറേക്കാലമായി സംസ്ഥാന സർക്കാർ പറയുന്ന കാര്യങ്ങൾ ശരിയാണെന്നാണ് കോടതിവിധികൾ സൂചിപ്പിക്കുന്നത്.
കോൺഗ്രസിൻ്റെ വിശ്വാസം സണ്ണി ജോസഫിലൂടെ രക്ഷപെടട്ടേ; സുധാകരനെപോലെ നനഞ്ഞ പടക്കമായി മാറാതിരിക്കട്ടെ
ചാൻസിലർക്ക് അധികാരമുണ്ട്, പക്ഷേ അതിനപ്പുറത്തേക്ക് പോകുന്നത് ബുദ്ധിമുട്ട് ഉണ്ടാക്കുന്നു. വൈസ് ചാൻസിലർമാരെ ഏകപക്ഷീയമായി ഗവർണർ നിയമിക്കുന്നത് തെറ്റാണ്. രണ്ട് കോടതിവിധികളിൽ നിന്നും ഇത് വ്യക്തമായതായും മന്ത്രി പറഞ്ഞു. സർവകലാശാലകളുടെ നേട്ടങ്ങളെ ആകെ അട്ടിമറിക്കാനുള്ള ചാൻസലറുടെ നീക്കം അപമാനകരമാണ് എന്നും മന്ത്രി കൂട്ടിച്ചേർത്തു.
അതേസമയം, ഡിജിറ്റൽ, സാങ്കേതിക സർവകലാശാലകളിലെ താത്ക്കാലിക വിസിമാരുടെ നിയമനം റദ്ദാക്കിയ സിംഗിൾ ബെഞ്ചിൻ്റെ തീരുമാനം ഹൈക്കോടതി ഡിവിഷന് ബെഞ്ച് ശരിവച്ചു. ജസ്റ്റിസ് അനിൽ കെ നരേന്ദ്രൻ, ജസ്റ്റിസ് പിവി ബാലകൃഷ്ണൻ എന്നിവരടങ്ങുന്ന ഡിവിഷൻ ബെഞ്ചാണ് അപ്പീൽ പരിഗണിച്ചത്.
വല്ലച്ചിറ ഗവ. യു.പി സ്കൂൾ പുതിയ കെട്ടിടത്തിൻ്റെ നിർമാണോദ്ഘാടനം നടന്നു
സര്ക്കാര് പാനലില് നിന്ന് നിയമനം നടത്തണമെന്നായിരുന്നു സിംഗിള് ബെഞ്ച് ഉത്തരവ്.ഇതിനെതിരെയായിരുന്നു ഗവര്ണര് രാജേന്ദ്ര അർലേക്കർ ഡിവിഷന് ബെഞ്ചില് അപ്പീല് നല്കിയത്. ഇതാണ് ഡിവിഷന് ബെഞ്ച് തള്ളിയത്.സിംഗിള് ബെഞ്ച് ഉത്തരവില് ഇടപെടുന്നില്ലെന്ന് ഡിവിഷന് ബെഞ്ച് വ്യക്തമാക്കി. ഇതോടെ ഡിജിറ്റല് സര്വകലാശാല താത്ക്കാലിക വിസി ഡോ. സിസ തോമസ്, എപിജെ അബ്ദുൽ കലാം ടെക്നോളജിക്കൽ യൂണിവേഴ്സിറ്റി (കെടിയു) താത്ക്കാലിക വിസി ഡോ. കെ ശിവപ്രസാദ് എന്നിവര് പുറത്താകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.