ദേശീയപാത ഉപരോധിച്ച കേസില്‍ ഷാഫി പറമ്പില്‍ എംപിക്ക് പിഴയും തടവും വിധിച്ച്‌ കോടതി. 1000 രൂപ പിഴയും കോടതി പിരിയും വരെയുള്ള സമയത്തേക്ക് തടവുമാണ് വിധിച്ചിരിക്കുന്നത്. ഇതുപ്രകാരം വൈകുന്നേരം അഞ്ച് മണി വരെ ഷാഫി കോടതിയില്‍ തുടരേണ്ടി വരും. പാലക്കാട് ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയുടേതാണ് വിധി.
‘കേരളത്തിൽ കത്തോലിക്ക സഭയെ വിശ്വാസികൾ തന്നെ കൈവിടുന്ന കാലം വരും’; മുന്നറിയിപ്പുമായി മാര്‍ തോമസ് മേനാംപറമ്പിൽ
2022 ജൂണ്‍ 24 ന് പാലക്കാട് കസബ പോലീസ് രജിസ്റ്റർ ചെയ്ത കേസിലാണ് നടപടി. കേസില്‍ ഷാഫി ഇന്ന് കോടതിയില്‍ ഹാജരായിരുന്നു. നിരന്തരം കോടതിയില്‍ എത്താത്തതിനെ തുടർന്ന് കഴിഞ്ഞ ആഴ്ച ഷാഫിക്കെതിരെ അറസ്റ്റ് വാറന്റ് പുറപ്പെടുവിച്ചിരുന്നു. വയനാട്ടില്‍ രാഹുല്‍ഗാന്ധിയുടെ എം.പി. ഓഫിസ് എസ്‌എഫ്‌ഐ പ്രവർത്തകർ തല്ലിതകർത്തതില്‍ പ്രതിഷേധിച്ചായിരുന്നു ഉപരോധം.
ഷാഫി പറമ്പിലിന്റെ നേതൃത്വത്തില്‍ നാല്‍പ്പതോളം വരുന്ന യൂത്ത് കോണ്‍ഗ്രസ് പ്രവർത്തകർ ചന്ദ്രനഗറില്‍ ചെമ്പലോട് പാലത്തിന് സമീപമാണ് ദേശീയപാത ഉപരോധിച്ചത്. അന്ന് യൂത്ത് കോണ്‍ഗ്രസിന്റെ ഭാഗമായിരുന്ന പി.സരിൻ കേസിലെ ഒമ്പതാം പ്രതിയായിരുന്നു. നേരത്തെ കോടതിയില്‍ ഹാജരായ സരിനെ 500 രൂപ പിഴയും കോടതി പിരിയും വരെ തടവിനും ശിക്ഷിച്ചിരുന്നു.
കമ്മ്യൂണിസ്റ്റ് പാർട്ടിയിൽ ഇത് ചരിത്രം; ആദ്യത്തെ വനിതാ ജില്ലാ സെക്രട്ടറിയായി സുമലത
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.