അന്താരാഷ്ട്ര യോഗാ ദിനവുമായി ബന്ധപ്പെട്ട ആഘോഷങ്ങള്‍ക്കായി പ്രതിരോധ മന്ത്രി രാജ്നാഥ് സിങ് കശ്മീരിലെത്തും. നാളെ രാജ്നാഥ് സിങ് ഉദ്ദംപൂരിലെ സൈനിക കേന്ദ്രത്തില്‍ സൈനികരോടൊത്ത് യോഗാദിനം ആഘോഷിക്കും. തീവ്രവാദത്തിനെതിരെ ശക്തമായ തിരിച്ചടി തുടരുമെന്ന് പ്രതിരോധ മന്ത്രി അറിയിച്ചു.
നിമിഷപ്രിയയുടെ മോചനം: അടിയന്തിര ഇടപെടലിനായി പ്രധാനമന്ത്രിക്ക് കത്തയച്ച് മുഖ്യമന്ത്രി
ഇന്ത്യ ഓപ്പറേഷന്‍ സിന്ദൂര്‍ അവസാനിപ്പിച്ചിട്ടില്ലെന്നും താത്ക്കാലികമായി നിര്‍ത്തിവച്ചുവെന്ന് മാത്രമേയുള്ളൂവെന്നും അദ്ദേഹം പറഞ്ഞു. ഇത് പാകിസ്താന് ഇന്ത്യ നല്‍കുന്ന സന്ദേശമാണ്. ഇന്ത്യ ഭീകരവാദത്തിന്റെ ഇരയായി ഒതുങ്ങില്ലെന്നും കരുത്തോടെ തിരിച്ചടിക്കുമെന്നുമുള്ള സന്ദേശം പാകിസ്താന് നല്‍കാന്‍ ഓപ്പറേഷന്‍ സിന്ദൂറിലൂടെ സാധിച്ചുവെന്ന് രാജ്നാഥ് സിങ് പറഞ്ഞു.
നമ്മുടെ ഏജന്‍സികള്‍ തീവ്രവാദ ക്യാമ്പുകള്‍ തകര്‍ത്തത് ശക്തമായ സന്ദേശമാണ് നല്‍കുന്നത്. തീവ്രവാദത്തിന് പാകിസ്താന് ചുട്ട മറുപടി നല്‍കാന്‍ രാജ്യത്തിന് സാധിച്ചു. മാതൃരാജ്യത്തിന് വേണ്ടി പൊരുതിയ ധീരരായ സൈനികരെ രാജ്യം എക്കാലവും ഓര്‍മിക്കുമെന്ന് പ്രതിരോധ മന്ത്രി പറഞ്ഞു.
അവാർഡ് സ്വീകരിക്കില്ലെന്ന് സ്വരാജ്; അക്കാദമി പുരസ്ക്കാരം വാർത്ത ആയതിനാലാണ് പരസ്യ പ്രതികരണമെന്നും വിശദീകരണം
ധീരതയും ത്യാഗവും നിറഞ്ഞതാണ് ഓരോ പട്ടാളക്കാരന്റേയും ജീവിതം. രാജ്യം അതൊന്നും ഒരുകാലത്തും മറക്കില്ല. ഓപ്പറേഷന്‍ സിന്ദൂര്‍ എന്നത് ഒരു സൈനിക നടപടി മാത്രമല്ല. ഭീകരവാദത്തെ പിന്തുണയ്ക്കുന്ന എല്ലാരോടും രാജ്യത്തിന് പറയാനുള്ള സന്ദേശമായിരുന്നുവെന്നും രാജ്നാഥ് സിങ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.