ശബരിമല സ്വര്ണക്കൊള്ള കേസില് പ്രത്യേക അന്വേഷണ സംഘം ദേവസ്വം ബോര്ഡ് മുന് പ്രസിഡന്റ് എ.പത്മകുമാറിനെ ചോദ്യം ചെയ്യുന്നു. തിരുവനന്തപുരത്തുള്ള രഹസ്യ കേന്ദ്രത്തിൽ വെച്ചാണ് ചോദ്യം ചെയ്യല്. രാവിലെയാണ് ചോദ്യം ചെയ്യലിനായി എസ്ഐടിക്കു മുന്നില് പത്മകുമാര് ഹാജരായത്. എസ്. പി ശശിധരന്റെ നേതൃത്വത്തിലാണ് ചോദ്യം ചെയ്യല്.
സിപിഎം ആർഎസ്എസുമായി സഖ്യം ചേർന്നിട്ടുണ്ടെന്ന എംവി ഗോവിന്ദൻ്റെ തുറന്നുപറച്ചിലിൽ വിശദീകരണവുമായി എം സ്വരാജ്; അങ്ങനെ വന്നാൽ ഇടതുപക്ഷം ഇടതല്ലാതെ ആകുമെന്നും പ്രതികരണം
ചോദ്യം ചെയ്യലിനു ഹാജരാകാന് ആവശ്യപ്പെട്ട് പത്മകുമാറിന് നേരത്തേ എസ്ഐടി നോട്ടീസ് നല്കിയിരുന്നെങ്കിലും വ്യക്തിപരമായ കാരണങ്ങള് ചൂണ്ടിക്കാട്ടി സാവകാശം തേടുകയായിരുന്നു. മുന് ദേവസ്വം പ്രസിഡന്റ് എന്.വാസു അറസ്റ്റിലായതിനു പിന്നാലെയാണ് പത്മകുമാറിനോട് അന്വേഷണ സംഘത്തിന് മുന്നിൽ ഹാജരാകാന് എസ്ഐടി വീണ്ടും നോട്ടീസ് നല്കുന്നത്. പത്മകുമാറിന്റെ സാമ്പത്തിക സ്രോതസ്സുകളെപ്പറ്റിയും അന്വേഷണം നടക്കുന്നുണ്ട്.
ദേവസ്വം കമ്മിഷണര് ആയിരുന്ന എന്.വാസുവിന്റെ ശുപാര്ശയില് ബോര്ഡ് അംഗങ്ങളുടെ അറിവോടെയാണ് സ്വര്ണം പതിച്ച പാളികള് ചെമ്പെന്ന് രേഖപ്പെടുത്തി 2019ല് ഉണ്ണികൃഷ്ണന് പോറ്റിയുടെ കൈയില് കൊടുത്തു വിട്ടതെന്നാണ് പ്രത്യേക അന്വേഷണ സംഘത്തിന്റെ കണ്ടെത്തല്. ഉണ്ണികൃഷ്ണന് പോറ്റിക്ക് ഒത്താശ ചെയ്തത് പത്മകുമാറാണെന്നാണ് പ്രത്യേക അന്വേഷണ സംഘത്തിന്റെ വിലയിരുത്തല്.
മൂലമറ്റം പവർഹൗസ് അടച്ചിടാനുള്ള തീരുമാനം മാറ്റി
സ്വര്ണക്കൊള്ളക്കേസില് നേരത്തേ അറസ്റ്റിലായവരുടെ മൊഴികളെല്ലാം പത്മകുമാറിനെതിരാണെന്നും റിപ്പോര്ട്ടുകളുണ്ട്. മുരാരി ബാബു മുതല് എന്.വാസു വരെയുള്ള പ്രതികള് പത്മകുമാറിനെതിരെ മൊഴി നല്കിയതായാണ് സൂചന. എന്.വാസു ദേവസ്വം കമ്മീഷണറായിരിക്കുമ്പോള് പത്മകുമാറായിരുന്നു ദേവസ്വം ബോര്ഡ് പ്രസിഡന്റ്. കേസില് നേരത്തെ അറസ്റ്റിലായ എന്.വാസുവിനെ വ്യാഴാഴ്ച വൈകീട്ടു വരെ എസ്ഐടി കസ്റ്റഡിയില് വിട്ടിട്ടുണ്ട്. പത്മകുമാറിനെയും വാസുവിനെയും ഒന്നിച്ചിരുത്തി ചോദ്യം ചെയ്യാനും സാധ്യതയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.