പിഎം ശ്രീ പദ്ധതിയുടെ ധാരണാപത്രം റദ്ദാക്കാൻ കേന്ദ്രത്തിന് കത്തയക്കാനുള്ള സംസ്ഥാന സർക്കാർ തീരുമാനത്തിൽ പ്രതികരണവുമായി കെപിസിസി അധ്യക്ഷൻ സണ്ണി ജോസഫ്. നടപടി സിപിഐയുടെ പ്രതിഷേധം തണുപ്പിക്കാനുള്ള താൽക്കാലിക നടപടി മാത്രമാണെന്നാണ് അദ്ദേഹം വിമർശിച്ചത്. കേവലം രാഷ്ട്രീയപരമായ ഒത്തുതീർപ്പിനും തന്ത്രപരമായ ഒളിച്ചുകളിക്കും വേണ്ടിയുള്ള അടവുനയമാണിതെന്നും സണ്ണി ജോസഫ് കുറ്റപ്പെടുത്തി.
സ്വർണ്ണക്കൊള്ള ; ഉണ്ണികൃഷ്ണൻ പോറ്റിക്ക് ജാമ്യമില്ല
സിപിഐക്ക്‌ ‘മയക്കുവെടിയേറ്റോ’ എന്ന് വ്യക്തമാക്കേണ്ടത് അവരാണെന്നും അദ്ദേഹം പരിഹസിച്ചു. ധാരണാപത്രം റദ്ദാക്കാനുള്ള അധികാരം കേന്ദ്ര സർക്കാരിന് മാത്രമാണ്. പദ്ധതി മരവിപ്പിക്കാനുള്ള നിർദ്ദേശം പ്രായോഗികമല്ല, ഇത് ജനങ്ങളെ കബളിപ്പിക്കാനുള്ള ശ്രമമാണ്. ബിജെപി-സിപിഎം കൂട്ടുകെട്ട് പരസ്യമായ രഹസ്യമാണെന്നും അദ്ദേഹം ആരോപിച്ചു.
ഡൽഹിയിൽ നടന്ന ചർച്ചകൾ വരാനിരിക്കുന്ന തിരഞ്ഞെടുപ്പിനുള്ള ഒരുക്കങ്ങൾ വിലയിരുത്തുന്നതിന് വേണ്ടിയുള്ളതായിരുന്നുവെന്നും സണ്ണി ജോസഫ് കൂട്ടിച്ചേർത്തു. പാർട്ടി ഒറ്റക്കെട്ടായി മുന്നോട്ട് പോകും. ചർച്ചകൾ പ്രതീക്ഷ നൽകുന്നതായിരുന്നു. സംഘടനാപരമായ പ്രശ്‌നങ്ങൾ പരിഹരിക്കാനും ശക്തിപ്പെടുത്താനുമുള്ള നിർദ്ദേശങ്ങൾ ലഭിച്ചിട്ടുണ്ട്. അടുത്ത കെപിസിസി യോഗം ചേരുന്ന സമയം ഉടൻ തീരുമാനിക്കുമെന്നും അദ്ദേഹം വ്യക്തമാക്കി.
‘ഇന്ത്യയിലെ ദളിതരെ കേന്ദ്രം അവഗണിക്കുന്നു’; കേരളം അവരെ കൈ പിടിച്ച് ഉയർത്തുന്നുവെന്നും മുഖ്യമന്ത്രി
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.