ദേഹത്തൂടെ ബസ് കയറിയിറങ്ങി ; വാഹനാപകടത്തിൽ മൂന്നു വയസ്സുകാരന് ദാരുണാന്ത്യം

കോഴിക്കോട് മുക്കത്ത് വാഹനാപകടത്തിൽ മൂന്നു വയസുകാരൻ മരിച്ചു. സ്കൂട്ടറിന് പിന്നിൽ സ്വകാര്യ ബസ് ഇടിച്ചാണ് അപകടമുണ്ടായത്. മലപ്പുറം കീഴുപറമ്പ് സ്വദേശി ജെസിന്‍റെ മകൻ മുഹമ്മദ് ഹിബാൻ (3) ആണ് മരിച്ചത്. മുക്കം നോര്‍ത്ത് കാരശ്ശേരിയിൽ ഇന്ന് വൈകിട്ടോടെയായിരുന്നു അപകടം.

Also Read ‘മകന് ഏത് വിഷയത്തിലാണ് ഇ.ഡി സമൻസ് അയച്ചതെന്ന് മുഖ്യമന്ത്രി വ്യക്തമാക്കണം’ ; വി.ഡി സതീശൻ

അപകടത്തിന്‍റെ സി.സി.ടി.വി ദൃശ്യങ്ങളും പുറത്തുവന്നിട്ടുണ്ട്. സ്കൂട്ടറിന് പിന്നിൽ സ്വകാര്യ ബസ് ഇടിച്ചതോടെ സ്കൂട്ടര്‍ റോഡിലേക്ക് മറിയുകയായിരുന്നു. സ്കൂട്ടറിലുണ്ടായിരുന്ന മൂന്നു വയസുകാരൻ തെറിച്ച് വീഴുകയും, കുട്ടിയുടെ മുകളിലൂടെ ബസ് കയറുകയുമായിരുന്നുവെന്നാണ് വിവരം.

അപകടത്തിൽ പ്രതിഷേധിച്ച് എടവണ്ണ – കൊയിലാണ്ടി സംസ്ഥാനപാത നാട്ടുകാര്‍ ഉപരോധിച്ചു. റോഡ് നിര്‍മാണത്തിലെ അശാസ്ത്രീയതയാണ് അപകടത്തിന് കാരണമെന്നാണ് ആരോപണം.

You May Also Like “ഇന്ത്യ പഴയ ഇന്ത്യയല്ല”; അമേരിക്കയെ പിണക്കാതിരിക്കാനാണ് ഇസ്രയേൽ അനുകൂല നിലപാട് സ്വീകരിക്കുന്നതെന്ന് മുഖ്യമന്ത്രി