പോലീസിൽ നിന്ന് നീതി ലഭിച്ചില്ല ; തൃശ്ശൂരിൽ കുറിപ്പെഴുതി വെച്ച് യുവാവ് ജീവനൊടുക്കി

പോലീസിൽ നിന്ന് നീതി കിട്ടിയില്ലെന്ന് എഴുതിവെച്ച് യുവാവ് ആത്മഹത്യ ചെയ്തു. തൃശൂർ അഞ്ഞൂർ സ്വദേശിയായ മനീഷാണ് ജീവനൊടുക്കിയത്. സാമ്പത്തിക തർക്കവുമായി ബന്ധപ്പെട്ട പരാതിയിൽ നീതി കിട്ടിയില്ല എന്നാണ് യുവാവിന്റെ ആത്മഹത്യാക്കുറിപ്പിൽ പറയുന്നത്.

Also Read മാനേജറെ മർദിച്ച കേസിൽ മുൻകൂർ ജാമ്യഹർജി നൽകി ഉണ്ണി മുകുന്ദൻ; വിപിൻ പറയുന്നതെല്ലാം ശരിയല്ലെന്ന് പോലീസ്

അഞ്ഞൂർ കുന്നിനടുത്തുള്ള ക്വാറിയിൽ നിന്നാണ് യുവാവിന്റെ മൃതദേഹം കണ്ടെത്തിയത്. കുന്നംകുളം പോലീസ് സ്റ്റേഷനിൽ നിന്നും തനിക്ക് നീതി ലഭിച്ചില്ലെന്നും മനീഷിന്റെ ആത്മഹത്യ കുറിപ്പിൽ രേഖപ്പെടുത്തിയിട്ടുണ്ട്.

സംഭവത്തിൽ  മൃതദേഹവുമായി റോഡിലിറങ്ങി നാട്ടുകാർ  പ്രതിഷേധം നടത്തി. കുറ്റക്കാരെതിരെ നടപടി വേണമെന്നും അവർ ആവശ്യപ്പെട്ടു. യുവാവിനെ ബ്ലേഡ് മാഫിയക്കാർ ഭീഷണിപ്പെടുത്തിയിരുന്നുവെന്ന് ബന്ധുക്കൾ പറഞ്ഞു. ബന്ധുവിന് എടുത്തു നൽകിയ പണത്തിനു വേണ്ടി മനീഷിനെ തടവിലിട്ടിരുന്നുവെന്നും അവർ ആരോപിച്ചു.

You May Also Like “അവരൊക്കെ തോറ്റു മടങ്ങി, എന്നിട്ടാണോ രാജേന്ദ്രാ”; ഗവർക്കെതിരെ നിലപാട് കടുപ്പിച്ച് യൂണിവേഴ്സിറ്റി ആസ്ഥാനത്ത് എസ്എഫ്ഐ ബാനർ