ഡൽഹി നിസാമുദ്ദീനിലെ ഹുമയൂൺ കുടീരത്തിന് സമീപമുള്ള ദർഗയുടെ മതിലും മേൽക്കൂരയും ഇടിഞ്ഞുവീണ് ആറു പേർ മരിച്ചു, അഞ്ച് പേർക്ക് പരിക്കേറ്റു. സംഭവത്തിൽ ഡൽഹി പൊലീസ് കേസെടുത്തിട്ടുണ്ട്. ഹുമയൂൺ കുടീരത്തിന് കേടുപാടുകൾ ഒന്നും ഉണ്ടായിട്ടില്ലെന്ന് ആർക്കിയോളജിക്കൽ സർവേ ഓഫ് ഇന്ത്യ അറിയിച്ചു.
അൻവറിനെ വീണ്ടും പിണറായി വെട്ടി; മുഖ്യമന്ത്രിക്ക് യുഡിഎഫിലും പിടി
ഇന്നലെ ഉച്ചകഴിഞ്ഞ് 3:30 ഓടെയാണ് ദർഗ ഷെരീഫ് പട്ടേ ഷായുടെ മതിലും, മേൽക്കൂരയും വീണത്. മരിച്ച ആറ് പേരിൽ ഒരാൾ 79കാരനായ സ്വരൂപ് ചന്ദ് എന്നയാളാണെന്ന്‌ തിരിച്ചറിഞ്ഞു. എംഡി ഷമീം, ആര്യൻ, ഗുഡിയ, റഫത്ത് പർവീൺ, റാണി എന്നീ അഞ്ചുപേർക്കാണ് പരിക്കേറ്റിരിക്കുന്നത്. അറ്റകുറ്റപ്പണി അല്ലെങ്കിൽ നിർമ്മാണവുമായി ബന്ധപ്പെട്ട അശ്രദ്ധമായ നിർമ്മാണം, മനുഷ്യജീവനോ വ്യക്തിഗത സുരക്ഷയോ അപകടത്തിലാക്കുന്ന പ്രവൃത്തികൾ, അശ്രദ്ധമൂലം മരണത്തിന് കാരണമാകൽ എന്നീ വകുപ്പുകൾ പ്രകാരമാണ് കേസെടുത്തിട്ടുള്ളത്.
കനത്ത മഴയെത്തുടർന്ന് മേൽക്കൂരയും മതിലും തകർന്നു mവീണുവെന്നും കെട്ടിടത്തിൽ അഭയം തേടിയ 15 പേർ അവിടെ ഉണ്ടായിരുന്നെന്നും പൊലീസ് ഉദ്യോഗസ്ഥൻ പറഞ്ഞു. ദർഗയിലെ ഇമാം താമസിക്കുന്ന മുറിയും മറ്റൊരു വിശ്രമ മുറിയുമാണ് തകർന്നത്. 12 പേരെ അവശിഷ്ടങ്ങൾക്കടിയിൽ നിന്ന് കണ്ടെടുത്തുവെന്നും ഇതിൽ ഒമ്പത് പേരെ എയിംസ് ട്രോമ സെന്ററിൽ പ്രവേശിപ്പിച്ചുവെന്നും ഡെപ്യൂട്ടി പൊലീസ് കമീഷണർ സൗത്ത് ഈസ്റ്റ് ഹേമന്ത് തിവാരി പറഞ്ഞു. അവിടെ വെച്ചാണ് അഞ്ച് പേർ മരിച്ചത്.
പാലക്കാട് മധ്യവയസ്കനെ ആറ് ദിവസം മുറിയിൽ പൂട്ടിയിട്ട് മർദിച്ച സംഭവം ; തോട്ടമുടമയായ സ്ത്രീ അറസ്റ്റിൽ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, ന്യൂസ് ഐയുടേതല്ല. ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സമൂഹത്തിൽ ഭിന്നതയോ സ്പർധയോ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.