വീട്ടിലിരുന്ന കതിന പൊട്ടിത്തെറിച്ചു ; തിരുവനതപുരത്ത് ഒരാൾക്ക് പരിക്ക്

തിരുവനന്തപുരം കാട്ടായിക്കോണത്ത് വീട്ടിൽ കതിന പൊട്ടിത്തെറിച്ചു. അപകടത്തിൽ ഒരാൾക്ക് പരുക്കേറ്റു.  ക്ഷേത്രത്തിൽ വഴിപാടിനായി ഉപയോഗിക്കുന്ന കതിനയിൽ തീപിടിച്ചാണ് അപകടം ഉണ്ടായത്.

Also Read എവി ശ്രീകുമാർ മാത്രം പ്രതി; നിർണായക ചോദ്യങ്ങൾ ബാക്കിയാക്കി ഇപിയുടെ ആത്മകഥാ വിവാദത്തിൽ കുറ്റപത്രം

കാട്ടായിക്കോണം വാഴവിളയിൽ താമസിക്കുന്ന കഴക്കൂട്ടം സ്വദേശി ബാലകൃഷ്ണൻ നായർക്ക് (60) ആണ് പൊട്ടിത്തെറിയിൽ പരിക്കേറ്റത്. ഗുരുതരമായി പൊള്ളലേറ്റ ഇയാളെ മെഡിക്കൽ കോളേജിൽ പ്രവേശിപ്പിച്ചു.

കരിമരുന്ന് ഉണക്കാനിട്ടിരുന്നതിന് സമീപം ഇരുമ്പ് കമ്പി കട്ടർ കൊണ്ട് മുറിക്കുന്നതിനിടെ തീപ്പൊരി വീണാണ് അപകടം സംഭവിച്ചത്. രാവിലെ പതിനൊന്ന് മണിയോടെയായിരുന്നു അപകടം.

You May Also Like പറവൂരിലെ വീട്ടമ്മയുടെ ആത്മഹത്യ ; പ്രതികളുടെ അറസ്റ്റ് തടഞ്ഞ് ഹൈക്കോടതി